பூம்பூம் மாடு

 

மதுரை நினைவுகள் படம்: பாபு டீக்காராம்

பூம் பூம் மாடு!

வீட்டுக்கு வீடுதான் நிற்கவைப்பார் பிள்ளைகள் 

கூட்டமாய்ச் சுற்றி உடன்வருவார்! நல்லகாலம்

மாட்டிடம் உண்டா எனக்கேட்பார் ஆவலுடன்

மாடும் உண்டென்று சொல்ல தலையாட்டும்!

வீடுகளில் உள்ளோர் மகிழ்வார்கள்! பூம்பூம்பூம்

மாடு நகரும் அடுத்தவீடு நோக்கித்தான்!

ஏதோ உழைப்பிலே வாழ்வு.

மதுரை பாபாராஜ்