சீட்டுக் கிளியும் கைபேசியில் விரல்களும்!

சீட்டுக் கிளியும்! கைபேசியில் விரல்களும்!

கூண்டைத் திறந்தே கிளியை வரச்சொன்னார்!

தாண்டியே வந்தது! சீட்டுகளை ஒவ்வொன்றாய்

ஆவலுடன் பார்த்தே எடுத்ததே தேர்ந்து!

தொடர்பெண்ணைத் தேடவே கைபேசி தன்னைத்தான்

ஆவலுடன் பார்த்தேதான்  தேடி எடுத்திடுவார்

பாசமுடன் தானறிந்த மாந்தருடன் பேசிடுவார்!

சீட்டுகளைத் தேர்ந்தெடுக்கும் ஜோசியரின் அக்கிளியும்

தேடுகின்ற நண்பரின் எண்வரும் மட்டுமிங்கே

தேடும்  விரல்களும் ஒன்று

மதுரை பாபாராஜ்