இப்போதே உதவு!

அக்கறையாய் நாளும் வரிசையிலே நின்றேதான்
மக்கள் திரைநடிப்பைப் போற்றி வளர்க்கின்றார்!
பற்றுடன் ஓடி கிரிக்கெட்டைப் பார்க்கின்றார்!
எப்படியோ மக்களிடம் பெற்றுதான்  செல்வந்தர்
இத்தரணி மீது குவிக்கின்றார் கோடிகோடி!
எக்கட்சி என்றாலும் எல்லோர்க்கும் பங்குண்டு!
எத்தனை கோடி வருமானம் பெற்றாலும்
அத்தனையும் மக்கள் கொடுத்த சிறுதுளிகள்
முக்கடல்போல் நாளும் பெருவெள்ள மானதால்
இத்தரணி வாழ்வில் வளங்கண்டு வாழ்கின்றீர்!
இப்பொழுது மக்கள் அலைகின்றார்! வாடுகின்றார்!
மக்களிடம் வாங்கிக் குவித்தது யாரெனினும்
இப்போது வந்தே உதவு.

மதுரை பாபாராஜ்