நம்பிக்கை கொள்

 நம்பிக்கை கொள்!

கவலைகள் இல்லாத வாழ்க்கையே இல்லை!

கண்ணீர் சிந்தாத உயிர்களே இல்லை!

தடைகளே இல்லாத பாதைகள் இல்லை!

முயற்சிகள் இல்லாமல் ஏற்றங்கள் இல்லை!

வருவதை ஏற்று வாழ்வதே சிறப்பு

மறுத்தால் வாழ்க்கைக்கு மனிதனே பொறுப்பு

சோதனைச் சூழல் சூழ்வது இயல்பு

சாதனை யாக மாற்றப் பழகு!

சோம்பித் திரிந்தால் வறுமையே சீறும்

சோம்பலை உதறு ! வானம் வசப்படும்!

நம்பிக்கை கொண்டு உலகை  வெல்லு!

அனைத்தையும் வென்று நிமிர்ந்து நில்லு!

மதுரை பாபாராஜ்