புகழுரைகள் மேலோட்டமே!

 

புகழுரைகள் மேலோட்டமே!

மேடையிலே பேசும் புகழுரையைக் கேட்டுநம்பி

நாடறிய வாழ்ந்தோர் நலிவுற்ற போதிங்கே

தேடித்தான் செல்வார் புகழ்ந்தவரை நாடித்தான்!

கூசிக் குறுகித்தான் கேட்பார் பணஉதவி!

நாசூக்காய் வந்தே தருவார் குறுந்தொகை!

மேலுமென்னைத் தேடி வரவேண்டாம் என்றுசொல்வார்!

மேடைப் புகழுரையை நம்பவேண்டாம்! அப்புகழோ

ஆழ்மனம் சொல்வதல்ல செப்பு.

மதுரை பாபாராஜ்