நகரத்தார் பெருமைகள்

 நகரத்தார் பெருமைகள்!

எண்ணற்ற கோயில்கள் இங்கே உருவாக

நன்னெறியில் பாடுபட்டு நாள்தோறும் வாழ்ந்திருக்கும்

பண்பட்ட பன்முக ஆற்றல் படைத்தவர்கள் 

இந்த நகரத்தார் தான்.

தமிழ்மொழி நாளும் வளமாய் வளர

அமைப்புகளை உண்டாக்கி தங்களின் மூச்சாய்த்

தமிழ்த்தொண்டில் ஈடுபட்டுத் தாய்மொழியைக் காக்கும்

இமைகள் நகரத்தார் தான்.

கல்விப் பணியிலே எல்லா தரப்பினர்க்கும்

நல்வாய்ப்பைத் தந்து மகிழ்ந்திருக்கும் நல்லோர்கள்

உள்ள சமுதாயம் இந்த நகரத்தார்

உள்ளத்தில் மாசில்லை வாழ்த்து.

மனிதநேயத் தொண்டிலே முன்னணியில் நின்று

மனங்கனிந்தே ஈடுபடும் நற்புகழைக் கொண்ட

தனவணிகர் பின்னணி கொண்டோர் இவர்கள்!

மனம்மகிழ வாழ்த்தி வணங்கு.

அடக்கம் பணிவுடன் பொங்கும் இரக்கம்

கடமை உணர்வென நற்பண்பு தன்னை

உடமைகளாய் ஆக்கித்தான் வாழ்கின்றார் இங்கு!

சிறப்புடன் வாழ்கபல் லாண்டு.

மதுரை பாபாராஜ்

வள்ளுவர் குரல் குடும்பம்