நண்பர் இமயவரம்பன் வாழ்த்து

 கவிஞர் பாபா அய்யா பிறந்தநாள் வாழ்த்து!

முச்சங்கம் அமைத்து

       முத்தமிழை வளர்த்த

முதுநகர் மதுரையில் 

       முகிழ்த்த ஏந்தலே!

முப்பாட்டன் வள்ளுவனின்

       முப்பாலில் மூழ்கி

முத்தான திருக்குறளின்

       சத்தான கருத்துகள்

எத்திக்கும் சென்றடைய

       ஏற்றமுடன் பாப்புணைந்து

முப்பாலின் வழிநின்று

       முக்காலமும் வாழும்

மதுரகவி பாபாவை

       மனதார போற்றுகிறேன்!

கவின்கலையில் சிறந்து

       கண்ணில் காண்பதை

காதால் கேட்பதை

        கார் மேகமாய் 

கவிமழை பொழியும்

       காளமேகம் கவிபாபா!

இன்னலும் இன்பமும்

       இயல்பென்று எண்ணி

குறைகளைக் கடந்து   

       நிறைவாழ்க்கை வாழும்

பாவாணர் பாபா

       பார்புகழெய்த

நெஞ்சினிக்க வாழ்த்துகிறோம்!

       நெஞ்சார வாழ்த்துகிறோம்!

வாழிய வாழியவே!

       வாழிய பல்லாண்டு!

வாழ்த்தும்

கோ.இமயவரம்பன்

11.10.2023

இமயத்தின் அன்பின் வரம்பற்ற வாழ்த்தை 

இமைக்காமல் நான்படித்தேன்! மெய்சிலிர்த்தேன்! ஆகா!

கமழ்கிறதே நட்பின் மணம்.

மதுரை பாபாராஜ்