வேலையோ வேலை

 வேலையோ வேலை!

23.04.24

மேல்வேலை செய்பவர் இன்று வரவில்லை!

நான்பார்த்துக் கொள்கிறேன் என்றே தொடங்கினேன்!

மாடிக்கு  மெத்தை உறைகளோ மூன்றையும்

கொண்டுசென்றேன்! அங்கே  கொடியில்  மிதியடிகள்!

மற்றும் பழைய துணிகளும் துண்டுகளும்

தொங்க அதையெல்லாம் வாளியிலே போட்டேதான்

மெத்தை உறைகளைக் காய்வதற்குப் போட்டுவந்தேன்!

அப்பப்பா வேலையைப் பார்.

துண்டுகள் மற்றும் துணிகளை நன்றாக

அங்கே அடுக்கினேன்! பார்த்தேன் மலைத்திருந்தேன்!

இங்கேதான் இப்படி! பானுதான்  வந்தாரோ!

பல்வலி என்று வரவில்லை! பாவமென்றே

என்னால் முடிந்த கரண்டிகள் பாத்திரத்தை

நன்றாய்க் கழுவியே வைத்துவிட்டேன்! அப்பாடா!

என்றேதான் மூச்சுவாங்க நின்று.

மதுரை பாபாராஜ்