திருக்குறள் வித்தகர் குறளினிது நாயகர் சோம.வீரப்பன் அவர்களுக்கு வாழ்த்து!

திங்கள் விடிந்ததும்  இந்து தமிழிதழைக்
கண்கள் பரபரப்பாயத் தேடும்! குறளினிதை
நன்கு ரசித்துப் படித்து மகிழ்வதற்கு!
சோமவீ ரப்பனின்  கட்டுரை நேர்த்தியில்
பாமணி கோர்த்த குறள்கள் விளையாடும்!
நூலாக வந்தே அளப்பரிய சாதனையை
வாசகர் இன்புற ஈட்டியதை நாமறிந்தோம்!
சாணக்யர் ஆற்றலை வாசகர்கள் நன்கறிய
தேனமுதக் கட்டுரைகள் தந்தார் அருமையாய்!
வீரப்பன் வங்கிப் பணியில் திளைத்தவர்தான்!
ஈரமனம் கொண்டே நிகழ்வுகளின் பின்னணியில்
சாரமுடன் தந்தார் விறுவிறுப்பாய்க் கட்டுரைகள்!
காவிரி நாடனோ வள்ளுவர் கூற்றுக்குள்
பாவிரிக்கும்  பாங்கைக் குடும்பத்தார் காண்பதுண்டு!
வீரப்பன் சாதனைக்குப் பின்னணியில் இல்லாளின்
ஆர்வத்தை ஆதரவை அன்பை உணர்கின்றோம்!
வீரப்பன்தான் என்னைக் குறள்குழுவில்
சேர்த்துவிட்டார்!
பார்போற்ற வாழ்கபல் லாண்டு.

மதுரை பாபாராஜ்