குட்டிப் பேரன்! சுட்டிப் பேரன்!
=====================================
குட்டிப் பேரன் வருவான்!
சுட்டித் தனம் புரிவான்!

அங்கும் இங்கும் ஓடுவான்!
கீழே விழுந்தே அழுவான்!

பொம்மைப் பையைத் தூக்கியே
தலைகீ ழாகக் கொட்டுவான்!

அறைமுழுக்கப் பொம்மைகளைச்
சிதறச் செய்தே சிரிப்பான்!

தாத்தா பாட்டி கோபத்தை
பழுப்புக் காட்டி ரசிப்பான்!

வேண்டும் என்றால் வேண்டுந்தான்
கிடைக்கும் வரையில் அடந்தான்!

சுட்டித் தனங்கள் செய்தாலும்
கட்டிப் பிடித்தே கொஞ்சுவான்!

தூங்கப் போகும் வரைக்கும்
லூட்டி லூட்டி லூட்டிதான்!

========================================