மாண்புமிகு பிரதமர் மோடி அவர்களுக்கு வேண்டுகோள்!
31.12.2015
-----------------------------------------------------------
எந்தெந்த நாட்டுக்கோ தேடியோடும் எங்களது
இந்திய நாட்டுப் பிரதமரே! நம்முடைய
இந்திய மீனவரை நாளும் சிறைப்பிடிக்கும்
அந்தோ இலங்கைக் கடற்படை தாக்குதலை
கொஞ்சம் தலையிட்டுத் தீர்க்கின்ற ஆற்றலை
எங்களுக்காக காட்டாத தேன்?

அட்டகாசம் செய்கின்றார் கேட்கத் தயக்கமேன்?
கொட்டடியில் போடுகின்றார் கேட்கத் தயக்கமேன்?
எப்பொழுதும் தண்டனை! கேட்கத் தயக்கமேன்?
தக்க நடவடிக்கை இல்லை! தயக்கமேன்?

இலங்கைக் கடற்படை மீனவரைத் தாக்கி
கலங்கவைத்துப் பார்க்கின்ற வேதனைப் பிழிவில்
கலங்குகின்றோம் தீர்ப்பதே உங்கள் கடமை!
முயற்சிக்க வேண்டுகிறோம் நாம்.