வாழ்க்கை

வாழ்க்கை

என்னடா வாழ்க்கை இதுதானா வாழ்க்கை
இதற்காகத் தானா இத்தனை சேர்க்கை!

சேர்ந்தவர் பிரிந்தனர் பிரிந்தவர் சேர்ந்தனர்
இருந்திட்ட போதிலும் உட்பகை கொண்டனர்

வானமோ மேலே பூமியோ
 கீழே
இடைப்பட்ட பரப்பில் உருளுது வாழ்க்கை

பொருளும் புகழும் விருதும்
குவிந்திடும்
மரணம் அழைத்தால் அனைத்தும் விலகிடும்

பிறப்பினைப் பார்த்து மகிழ்ச்சியில் சூழ்வார்
இறப்பினைப் பார்த்து துயருடன் சூழ்வார்

சுற்றமும் எங்கே சூழ்ந்தவர்
எங்கே
முற்றும் விலகி வேடிக்கை
பார்ப்பார்

குவித்ததும் எங்கே குவிந்ததும் எங்கே
இறுதிப் பயணம் தனிதான் இங்கே!