பாப்பாப் பாடல்

பாப்பா பாப்பா குடியரசு
நமது நாட்டுக் குடியரசு!

விடுதலை பெற்ற பின்னாலே
அரசியல் சட்டம் உண்டாச்சு!

நீதியின் முன்னே நாமெல்லாம்
சமமாய் நிற்கும் குடிமக்கள்!

அறவழி நின்றே வாழ்வதற்கே
உரிமைகள் தந்த நாளிதுவே!

அனைத்து மதத்தின் நல்லிணக்கம்
ஒன்றே நமது குறிக்கோளாம்!

அன்பு நட்பு தோழமையே
இந்தியத் தாரக மந்திரமாம்!

ஒற்றுமை யாக வாழ்ந்திடுவோம்
வல்லர சாக மாற்றிடுவோம்!