ஜவ் மிட்டாய்! ஜவ் மிட்டாய்!
--------------------------------------------------------
வாங்க வாங்க ஜவ்மிட்டாய்!
ஓடி வாங்க ஜவ்மிட்டாய்!

உயரமான கம்பொன் றின்
உச்சியில் மிட்டாய் மகுடந்தான்

வண்ணக் கலவை பார்ப்போரின்
கண்ணைக் கவர்ந்தே இழுக்கும் பார்!

குழந்தைகள் கூட்ட மாகத்தான்
கூடி நிற்கத் தொடங்கிடுவார்!

பலவகை யான வடிவங்கள்
பரபரப் பாக செய்திடுவார்!

குழந்தைக் கையில் கடிகார
வடிவில் மிட்டாய் கட்டிவைப்பார்!

இன்னொரு குழந்தை கரத்தினிலே
மயிலின் வடிவம் கட்டிவைப்பார்!

செல்ல மாக கன்னத்தில்
மிட்டாய் பட்டை ஒட்டிவைப்பார்!

இப்பொழுது தெல்லாம் தெருவினிலே
ஏனோ அவர்கள் வருவதில்லை!

அந்தக் காலம் நான் கண்ட
காட்சியை கவிதை ஆக்கிவிட்டேன்!