பாரதி வாழ்க!

11.12.2017

சொல்ல முடியாத நேரத்தில் நற்கருத்தைச்
சொல்லி நிமிர்ந்தவன் பாரதி! ஆதிக்க
வல்லூறைப் பாவினத்தால் பந்தாடிப் பார்த்தவன்!
தெள்ளுதமிழ்ப் பாமுரசை வாழ்த்து.


நாடுபோற்றும் பாரதி ஆசிரியர் தொண்டுசெய்த
சேதுபதி பள்ளி மதுரையிலே நான்படித்தேன்!
பாடுபொருள் பாரதியின் காற்றங்கே பட்டதாலே
ஏடுகளில் நானும் கிறுக்குகின்றேன்  பாவினங்கள்!
நாடுகின்றேன் ஆசிகளைத் தொட்டு.