விளையாட முடியாது பாப்பா!

ஓடி விளையாடு பாப்பா! நீ
ஓய்ந்திருக்க லாகாது பாப்பா!

பாரதியே பாடிவிட்டாய் அன்று!
பாரதியே! என்ன நிலை இன்று?

விளையாடப் போகாதே பாப்பா
வரிசையாக தேர்விருக்கு பாப்பா!

மூணாவது வந்துட்டா பொதுத்தேர்வு
ஐந்தாவது வந்துட்டா பொதுத்தேர்வு

எட்டாவது வந்துட்டா பொதுத்தேர்வு
பத்தாவது பதினொண்ணு பொதுத்தேர்வு

பன்னிரண் டாம்வகுப்பில் பொதுத்தேர்வு
இதமுடிச்சு கல்லூரி போகணுமே

கல்லூரிக்கு போகணுமா நுழைவுத்தேர்வு
மருத்துவ ராகணுமா நீட்தேர்வு
பொறியியல் சேரணுமா ஒரு தேர்வு

இப்படித்தான் தேர்வுக்கே படிக்கவேண்டும்
அதுக்குத்தான் சொல்றேன்நான் பாப்பா

விளையாடப் போகாதே பாப்பா
நீ
தேர்வுக்குத் தயாராகு  பாப்பா!

எத்தனையோ தேர்விருக்கு பாப்பா!
அத்தனைக்கும் தயாராகு பாப்பா!

மதுரை பாபாராஜ்