பண்பாடு தூசு!

தமிழ்ப்பாட்டுச் சொற்களை ஆங்கிலத்தில் காட்டும்
மனப்போக்கின் வக்கிரத்தை என்னென்பேன் தாயே!
தினவெடுத்துத் தாய்மொழியைக் கொச்சைப் படுத்தும்
இனந்தானே நாட்டிலே முக்கிய மாந்தர்!
பணத்தின்முன் பண்பாடு தூசு.

இத்தகைய போக்குகள் தாய்மொழிக்கு நல்லதல்ல!
எப்படி யாரெல்லாம் காத்த தமிழ்மொழி?
இப்படிச் சீரழிக்க யார்தந்தார் ஒப்புதல்?
தப்பாட்டம்  வேண்டாம் நிறுத்து.

நரம்பைத் துடிக்கவைக்கும் அர்த்தமற்ற பாடல்!
வரம்புகளை மீறுகின்ற ஆபாச ஆட்டம்!
தரந்தாழ்ந்தே போகின்ற காட்சிகளைப் பார்த்தால்
தலைமுறை மாற்றம் எதிர்மறை யாகும்
நிலையிங்கே வேதனைக்கு வித்து.

மதுரை பாபாராஜ்