குழந்தைப் படங்களின் பெயர்கள்!

மொழி ஒரு சிக்கலே அல்ல!

நருட்டோ---சாக்கே--தக்கூரா---சின்சான்--டோரிமான்--டிடெக்டிவ்

குழந்தை இயங்கு படங்களோ நாளும்
பலமொழிகள் பேசி வருகிறது! நாட்டில்
குழந்தைகள் ஆர்வமுடன் பார்த்து ரசிக்கும்
களமாக மாறியது வீடு.

மொழிகள் கவலையே இல்லை! நடிப்பின்
தெளிவும் அசைவுகளும் போதும்,! ஜப்பான்
மொழிப்படம் பார்க்கின்றார்! கதையைப் புரிந்து
பெயர்களைச் சொல்கின்றார் இங்கு.

நாடுகளின் எல்லை மொழிகளின்  எல்லைகள்
கோடுகளைத் தாண்டி குழந்தை உலகமோ
ஏடுகளைத் தாண்டியே ஊடக வாழ்வினை
நாடுகின்றார் நாள்தோறும் இங்கு.

கதைபுரிந்தால் போதும்! மொழித்தேவை வேண்டாம்!
நடைமுறை வாழ்வில் குழந்தைகள் போக்கு
இதையொட்டிப் போக தலைமுறை மாற்றம்
எதையொட்டிப் போகுமோ சொல்.?

மதுரை பாபாராஜ்