இலக்கிய நண்பர் அசோக்ராஜ் அவர்களுக்கு வாழ்த்து!

பாரதி நூற்றாண்டு அஞ்சலிப் பாவரங்கில்
பாண்டியில் சந்தித்தோம்! செந்தமிழக் கல்லூரி
மாணவர்கள் நால்வர் உலகநாதன் அய்யாவின்
மாணவராய் வந்தனர் அங்கு.

நட்பு அரும்பி மதுரையில் பூத்தது!
நற்கூடல் பேரில் கழகம் தொடங்கினோம்!
நண்பர் அசோக்தான் செயலாளர்! பேச்சாளர்!
எண்ணற்ற மேடை நிகழ்ச்சி நடத்தினார்!
ஒன்பதாண்டு தொண்டு மகிழ்வு.

கவிதைநூல் நான்தர  ஊக்கத்தைத் தந்தார்!
வரிசையாக நூல்கள் வெளியிட்டேன் அங்கு!
அரசாங்க நூலக ஆணை பெற
உதவிசெய்த நண்பர் அவர்.

தொடர்ந்து நிகழ்ச்சிகள் நற்கூடல் சார்பில்
நடத்தினோம்! சான்றோர் பெரியோர் அறிஞர்
தொடர்பில் திளைத்திருந்தோம்! போட்டிகள் வைத்தோம்!
படர்ந்தது நாளும் தொடர்பு.

தொண்ணூற்று ஐந்திலே சென்னைக்கு வத்துவிட்டேன்!
எங்கள் தொடர்பிலே தொய்வு! பணிக்களம்
எங்கெங்கோ செல்ல விலகினோம்! என்றாலும்
என்றும் அசைபோடும் வாழ்வு.

மதுரை பாபாராஜ்