வால்விண்மீனும் கொரோனாவும்!

(தொலைக்காட்சி செய்தி: வியாழனைக் காட்டிலும் பெரிய வால்விண்மீன் பூமிக்கருகில் இந்தமாத இறுதியில் வருகிறது.)

கோளாம் வியாழனைக் காட்டிலும் மாபெரும்
வால்விண்மீன் மண்ணகத்தை நோக்கி வருகிறதாம்!
யாருமே அஞ்சவில்லை! ஆனால் கொரோனாவோ
யாருமே பார்க்க முடியாமல் நாட்டிலே
ஊரும் கிருமியாம்! இங்கே அதையெண்ணி
ஊரும் உலகநாடும் அஞ்சுவதைப் பார்க்கிறோம்!
பார்க்க முடிந்த மலைவந்தால் அஞ்சவில்லை!
பார்க்க முடியாத இந்தக் கொரோனா
கிருமிக்கோ
பாரே நடுங்கி அஞ்சுகின்ற கோலந்தான்!
பார்த்தாயா விந்தையை? நீ.

மதுரை பாபாராஜ்