அரசுடன் ஒத்துழைப்போம்!

கட்டவிழ்த்தால் கட்டவிழும் கொரோனா!

கட்டுசெட்டாய்க் கட்டுண்டு ஊரடங்கி நாம்வாழ்ந்தால்
கட்டுக்குள் நிற்கும் கொரோனாவை
மாய்க்கலாம்!
மக்களோ கட்டுக்குள் நிற்காமல் கட்டவிழ்த்தால்
கட்டவிழ்ந்து தாக்கும் கொரோனா பரவித்தான்
மக்களை வாட்டும் உணர்.

எத்தனை வேண்டுகோள்கள்! எத்தனை எச்சரிக்கை!
எத்தனைப் பாதுகாப்பு! எத்தனைக் காவல்கள்!
எத்தனைப் பேட்டிகள்! எத்தனை வாதங்கள்!
அத்தனையும் காற்றில் பறக்குமாறு மக்களோ
அக்கறை இன்றி விலகித்தான் நிற்காமல்
இப்படி வீதிகளில் வந்தால் கொரோனாவை
எப்படி நம்மரசு இங்கே பரவாமல்
தப்பவைக்கக் கூடும்? விளம்பு.

மதுரை பாபாராஜ்