திருமண வாழ்த்துப்பா!

ஆக்கம் : பாவா முத்துவீரன் ---
கவிதை: அரசன்( பாபா)

கவிதை எழுதத் தொடங்கிய நாளில்
கவிதைக் கருவாக வாழ்த்துப்பா யாத்தேன்!
திருமண வாழ்த்து பிறந்தநாள் வாழ்த்து
கருப்பொரு ளாக்கித்தான் இன்றும்
எழுதுகிறேன்!
எழுதுகின்ற வாய்ப்பிலெந்தன் பா.

நண்பர் திருமணமா? வாழ்த்துப்பா நானெழுத
என்பாவா  ஓவியம் தீட்டித் தூவலால்
என்கவிதை தன்னைத் தாளில் எழுதிடுவார்!
என்வாழ்த்துப் பாதான் உயிர்பெறும்! கண்ணாடிச்
சட்டம் மதுரைமில் எதிரில் கடையிலே
அற்புதமாய்ச் செய்து கொடுப்பார் கடைக்காரர்!
அக்காலம் நான்தந்த வாழ்த்துப்பா இன்றளவும்
வைத்துள்ளார் மதுரை நண்பர்கள் வீட்டிலே!
இப்படித்தான் என்கவிதை ஆர்வம் தழைத்தது!
சற்றும் சலிக்காமல் ஒத்துழைத்தார் அக்காலம்!
எப்படி நான்மறப்பேன் இங்கு?

மதுரை பாபாராஜ்