22.ஒப்புரவறிதல.

 குறள்களுக்குக் குறள்வடிவில் கருத்து

22. ஒப்புரவறிதல்

குறள் 211:

கைம்மாறு வேண்டா கடப்பாடு மாரிமாட்

டென்னாற்றுங் கொல்லோ உலகு.

மழைக்கென்ன கைம்மா றளிப்பார்? மழைபோல்

உதவுவோரும் நாடமாட்டார் இங்கு.

குறள் 212:

தாளாற்றித் தந்த பொருளெல்லாந் தக்கார்க்கு

வேளாண்மை செய்தற் பொருட்டு.

வாழ்க்கையில் சேர்க்கின்ற செல்வங்கள் எல்லாமே

ஏழைக்குத் தந்துதவத் தான்.

குறள் 213:

புத்தே ளுலகத்தும் ஈண்டும் பெறலரிதே

ஒப்புரவின் நல்ல பிற.

எந்த உலகிலும் உற்றாரைக் காப்பாற்றும்

ஒப்புரவுப்  பண்போ அரிது.

குறள் 214:

ஒத்த தறிவான் உயிர்வாழ்வான் மற்றையான்

செத்தாருள் வைக்கப் படும்.

மற்றவர்க்கு அன்பாய் உதவுபவன் வாழ்பவன் !

செத்தார்போல் மற்றவர் சொல்.

குறள் 215:

ஊருணி நீர்நிறைந் தற்றே உலகவாம்

பேரறி வாளன் திரு.

ஊருக் குதவுகின்ற ஊருணிபோல்

பேரறி

வாளனிடம் உள்ளசெல்வம் இங்கு.

குறள் 216:

பயன்மரம் உள்ளூர்ப் பழுத்தற்றால் செல்வம்

நயனுடை யான்கண் படின்.

கருணைமனங் கொண்டவரின் செல்வம்

பழுத்த

மரமொன்று ஊர்நடுவே போல்.

குறள் 217:

மருந்தாகித் தப்பா மரத்தற்றால் செல்வம்

பெருந்தகை யான்கண் படின்.

பெருந்தன்மை யாளனின் செல்வம் மருந்து

மரம்போல் பயன்படும் சொல்.

குறள் 218:

இடனில் பருவத்தும் ஒப்புரவிற் கொல்கார்

கடனறி காட்சி யவர்.

உதவ முடியாத காலத்தும் உதவத்

தயங்கமாட்டார் ஏழைக்குத் தான்.

குறள் 219:

நயனுடையான் நல்கூர்ந்தா னாதல் செயும்நீர

செய்யா தமைகலா வாறு.

உதவ முடியவில்லை என்றே வருந்தும்

நிலையே 

மனமுடையோன்  ஏழ்மை நிலை.

குறள் 220:

ஒப்புரவி னால்வருங் கேடெனின் அஃதொருவன்

விற்றுக்கோள் தக்க துடைத்து.

ஒப்புரவால் கேடுவரும் என்றால் தனைவிற்றும்

அக்கேட்டை வாங்குதல் நன்று.

மதுரை பாபாராஜ்