நடைபாதைக் கடைகளை நீக்கு!

=============================

நடைபாதை எல்லாம் கடைகளை வைத்தே
அடைத்துவிட்டால் நாளும் நடப்பதுதான் எங்கே?
முறைப்படுத்தப் போனால் மறியலில் மக்கள்
படையெடுத்துக் கூடுவார் பார்.

சட்டத்தை நாளும் மதித்து நடக்கவேண்டும்!
முற்றும் புறக்கணித்து வாழ்தல் ஒழுக்கமா?
சற்றேனும் சிந்தித்தால் நல்ல விடைகிடைக்கும்!
மற்றவர்க்கும் வாழ்வுரிமை உண்டு.

நடைபாதை எல்லாம் பொதுமக்கள் சொத்து!
தடைபோட்டு மற்றவர்கள் இங்கே நடக்க
இடையூறு செய்தல் இழிசெயல் ஆகும்!
தடைகளை நீக்கவேண்டும் சாற்று.

மதுரை பாபாராஜ்