மடமைக்குச் சான்று!
======================
குடியோ குடியைக் கெடுக்குமென்று சொல்லிக்
குடிப்பதற்கு டாஸ்மாக் திறப்பார்! புகைத்தல்
உடலுக்குத் தீங்கென்று சொல்லிப் புகைக்க
கடைகளில் எல்லாம் சிகரெட்டை விற்பார்!
மடமைக்குச் சான்றிதுதான் பார்.

உள்நாடு போதும் வெளிநாட்டுப் போதையில்
தள்ளாடு என்றே எலைட்கடையை நம்மரசு
துள்ளித் திறக்கிறது! வள்ளுவர், காந்திமகான்
நல்லவேளை இல்லையம்மா இன்று.
================================================