எழுத்தாளர் கவிஞர் தோழர் ந.பாண்டுரங்கன்
அவர்களுக்கு வாழ்த்துப்பா!

மாவட்ட நூலகத்தின்ஆற்றல் அலுவலராய்
பாண்டுரங்கன் என்கின்ற நாவளவன் தன்கடமை
ஆண்டை நிறைவுசெய்தே பக்குவமாய் வாழ்கின்றார்!
மாண்புடன் வாழ்வதை வாழ்த்து.

வரலாற்றுப் பின்னணியை ஆழ்ந்து படித்தே
தரமான ஆற்றலால் நூலாய்ப்  படைத்தே
பலரிங்கே பாராட்ட கொண்டுவந்தார் தோழர்!
தரவேண்டும் இன்னுமிங்கே! வாழ்த்து.

அறியப் படாத மதுரையைத் தந்தார்!
அறிந்துகொள்ள மாமதுரைக் கோயில்கள் தந்தார்!
மகிழ்ந்தே விடுதலை வேள்வியில் நம்மூர்
அகங்குளிரத் தந்தவரை வாழ்த்து.

பிள்ளைகளின் தோள்களும் கெண்டைக் கரைவேட்டி
உள்ளம் உவக்கும் சிறுகதை நூல்களாய்
அள்ளிக் கொடுத்தார்! திரும்பிவர மாட்டாயோ?
தெள்ளுதமிழ்ப் பாநூல் படைத்தளித்தார் பாண்டுரங்கன்!
எல்லாம் அருமைதான் வாழ்த்து.

இருபத்து நான்கு விருதுகள் பெற்றே
பெருமிதங் கொண்டேதான் வாழ்கின்ற நண்பர்!
இதிலொன்றோ நூலக வித்தகர் பட்டம்
மகிழ்ச்சியின் எல்லைதான் வாழ்த்து.

மாமதுரை மாநகரில் இல்லறத்தில் நல்லறத்தை
தேமதுரத் தெள்ளுதமிழ் மாண்பினைக் காத்தேதான்
நாள்தோறும் போற்றுகின்ற நண்பர் குடும்பத்தார்
வாழ்வாங்கு வாழ்வதற்கு வாழ்த்து.

மதுரை பாபாராஜ்