நமது காவல்துறைக்கு வாழ்த்து!

நாட்டின் அமைதிக்குக் காவல் துறையினர்
காட்டுகின்ற அக்கறையும் ஆற்றலும் அற்புதம்!
நாட்டிலே சட்டம் ஒழுங்கை நிலைநாட்ட
ஏட்டிலுள்ள சட்டத்தை மக்கள் மதிப்பதற்கு
ஆற்றுகின்ற தொண்டினை வாழ்த்து.

குற்றவாளிக் கூண்டில் நிறுத்தியே தண்டனை
பெற்றுத் தரும்வரையில் துஞ்சாமல்
அஞ்சாமல்
முற்றும் கவனமாகக் கையாளும் உத்தியால்
நற்பெயர் ஈட்டுகின்றார் வாழ்த்து.

வெய்யில் மழையென்றே பாராமல்  தொண்டுகளைத்
தொய்வின்றிச் செய்கின்றார்  காவலர்கள் இங்கேதான்!
மக்கள் உறங்குகிறார் நிம்மதியாய் நாள்தோறும்!
நற்றமிழ்போல் வாழ்கபல் லாண்டு.

மதுரை பாபாராஜ்