86 இகல்

 குறள்களுக்குக் குறள்வடிவில் கருத்து

86 இகல்

குறள் 851:

இகலென்ப எல்லா உயிர்க்கும் பகலென்னும்

பண்பின்மை பாரிக்கும் நோய்.

இணக்கம் சுணக்கமானால் ஏற்படும் நோயே

மனவேறு பாடாகும் செப்பு.

குறள் 852:

பகல்கருதிப் பற்றா செயினும் இகல்கருதி

இன்னாசெய் யாமை தலை.

வெறுப்புடன்  தீங்குசெய்த போதிலும்

துன்பம்

துரும்பளவும் செய்யாமை பண்பு.

குறள் 853:

இகலென்னும் எவ்வநோய் நீக்கின் தவலில்லாத்

தாவில் விளக்கம் தரும்.

வேறுபாடு நோய்தன்னை நீக்கிவிட்டால் 

நீடுபுகழ்

வாழ்க்கையில் எப்படியும் உண்டு.

குறள் 854:

இன்பத்துள் இன்பம் பயக்கும் இகலென்னும்

துன்பத்துள் துன்பங் கெடின்.

வேறுபாடே துன்பந்தான்! அத்துன்பத்தை நீக்கினால்

ஈடற்ற இன்பமே வாழ்வு.

குறள் 855:

இகலெதிர் சாய்ந்தொழுக வல்லாரை யாரே

மிகலூக்கும் தன்மை யவர்.

உள்ளத்தில் வேறுபாடு தோன்றினால் நீக்குவோரை

வெல்ல முடிந்தவர் யார்?

குறள் 856:

இகலின் மிகலினி தென்பவன் வாழ்க்கை

தவலும் கெடலும் நணித்து.

மாறுபாடு நல்லதென்றே எண்ணுவோர் வாழ்க்கையோ

கேடுசூழக் கெட்டுவிடும் சொல்.

குறள் 857:

மிகல்மேவல் மெய்ப்பொருள் காணார் இகல்மேவல்

இன்னா அறிவி னவர்.

மாறுபாட்டை ஏற்கும் அறிவிலிகள் மெய்ப்பொருள்

மேன்மையை ஏற்கமாட்டார் இங்கு.

குறள் 858:

இகலிற் கெதிர்சாய்தல் ஆக்கம் அதனை

மிகலூக்கின் ஊக்குமாங் கேடு.

மனத்திலே மாறுபாட்டை நீக்கினால்  ஆக்கம்!

மனத்தில் வளர்த்தாலோ கேடு.

குறள் 859:

இகல்காணான் ஆக்கம் வருங்கால் அதனை

மிகல்காணும் கேடு தரற்கு.

நன்மைகள் வாழ்க்கையில்  வரும்போது

மாறுபாட்டை

எண்ணமாட்டார்! கேடுகள் சூழும் பொழுதிலே

எண்ணுவார் வேறுபாட்டைத் தான்.

குறள் 860:

இகலானாம் இன்னாத எல்லாம் நகலானாம்

நன்னயம் என்னும் செருக்கு.

மாறுபாடு துன்பம் அளிக்கும்! இணக்கமான

சூழல் பெருமகிழ்ச்சி் தான்.

மதுரை பாபாராஜ்