அமைச்சு -- 64

 திருக்குறள் குழந்தைப் பாடல்

----------------------------------------------------------------

அமைச்சு -- 64

----------------------------------------------------------------

அமைச்சரின் கடமைப் பண்புகள்

---------------------------------------------------------------

கருவி, காலம், செயல்முறையை

எண்ணிச் செய்பவர் அமைச்சராவார்!

துணிவு, காக்கும் உணர்வுடனே

நீதி, முயற்சி அய்ந்தையும்

கண்போல் நினைப்பவர் தானமைச்சர்!

பகையின் துணையைப் பிரிப்பவரும்

திருந்தி திரும்பி வருவோரை

ஏற்கும் குணத்தைக் கொண்டவரும்

நாடு போற்றும் நல்லமைச்சர்!

தொழிலின் திறனை அறிந்தேதான்

செயல்படும் அமைச்சரே துணையாவார்!

இயற்கை அறிவும் நூலறிவும்

கொண்டவர் நுட்பச் சூழ்சிகளை

எளிதில் வென்றே தலைநிமிர்வார்!

தன்னால் புரியாது! சொன்னாலும்

கேட்க மறுத்திடுவார்! இவர்களையோ

துணிந்து மாற்றுவோன் அமைச்சராவார்!

கேடு செய்யும் ஓரமைச்சர்

உள்ளதைக் காட்டிலும் பகைவர்கள்

எழுபது கோடி நல்லவரே!

செயலின் திறமற்ற அமைச்சரிங்கே

அரைகுறை யாகச் செயல்படுவார்!

மதுரை பாபாராஜ்