Friday, August 19, 2011

பொம்மைக் கடைக்கா! காப்பாத்துங்கோ!!


=====================================
தொலைக்காட்சி காட்டும் கதைத்தொடரில் எல்லாம்
பலவித பாத்திரங்கள் வந்துவந்து போகும்!
குழந்தைகள் இத்தகைய சித்திரத்தைப் பார்த்து
கலந்தே ரசிக்கின்றார் காண்.

இந்த உயிரூட்டப் பட்ட படைப்புகளை
கண்கவரும் வண்ணத்தில் பொம்மைகளாய் விற்கின்றார்!
கண்டவுடன் பொம்மைகளை வாங்க குழந்தைகள்
இங்கே அலைகின்றார் பார்.

பொம்மை விலைகளைப் பார்த்தால் தலைசுற்றும்!
அம்மா! ஒருவரின் மாத வருமானம்
இங்கே ஒருபொம்மை வாங்கும் விலையாகும்!
நெஞ்சு படபடக்கும் பார்த்து..

இத்தகைய பொம்மைகள் எங்கே கிடைக்குமென்று
எப்படித்தான் வாண்டுகள் இங்கே அறியுமோ?
அப்படியே பெற்றோரை அள்ளித்தான் கொண்டுபோய்
எப்படியோ வாங்குகின்றார் இங்கு.

வீட்டிலே பண்ணும் ரகளைக்கே அஞ்சித்தான்
ஆட்டிப் படைக்கும் குழந்தை அமைதியாக
நாட்டில் அலைந்தேதான் வங்கித் தருகின்றார்!
ஈட்டிமுனைத் தாக்குதலே மேல்.

கடைகளுக்குச் சென்றால் புரியும் நிலைமை!
படையெடுத்து நிற்கும் பொடியன்கள் கூட்டம்!
கிடைத்துவிட்டால் அந்தப் பொடியனுக்கோ இன்பம்!
நடக்கின்றார் பெற்றோர் தளர்ந்து.

உணவுப் பொருள்களை விற்பதற்கும் இங்கே
உணவுடன் பொம்மை இலவசம் என்றே
உணர்த்தும் விளம்பரத்தைப் பார்த்ததும்
தொணதொணப்பார் பெற்றோரைச் சூழ்ந்து.

பெற்றோர்கள் சூழ்நிலையில் சிக்கித் தவித்தாலும்
கொப்பளிக்கும் கோபம் கொதிக்க அடித்தாலும்
எப்படியும் பொம்மையை வாங்கித் தருகின்றார்!
இப்படித்தான் வீட்டுக்கு வீடு.

0 Comments:

Post a Comment

<< Home