பெருமையும் சிறுமையும்

============================
அன்பே நமக்குப் பெருமை!
அகந்தை நமக்குச் சிறுமை!

ஆற்றல் நமக்குப் பெருமை!
ஆத்திரம் நமக்குச் சிறுமை!

இனிமை நமக்குப் பெருமை!
இகழ்தல் நமக்குச் சிறுமை!

ஈகை நமக்குப் பெருமை!
ஈனம் நமக்குச் சிறுமை!

உழைப்பே நமக்குப் பெருமை!
உட்பகை நமக்குச் சிறுமை!

ஊக்கம் நமக்குப் பெருமை!
ஊழல் நமக்குச் சிறுமை!

எளிமை நமக்குப் பெருமை!
எள்ளல் நமக்குச் சிறுமை!

ஏற்றம் நமக்குப் பெருமை!
ஏய்த்தல் நமக்குச் சிறுமை!

ஐம்புலன் நமக்குப் பெருமை!
ஐயம் நமக்குச் சிறுமை!

ஒழுக்கம் நமக்குப் பெருமை!
ஒழுங்கீனம் நமக்குச் சிறுமை!

ஔவை நமக்குப் பெருமை!
ஔவியம் நமக்குச் சிறுமை!

பெருமை வளர்த்தல் கடமை!
சிறுமை வளர்த்தல் மடமை!