திருக்குறள் குழந்தைப்பாடல்
---------------------------------------------------
வெஃகாமை---18
----------------------------------------------------------
மற்றவர் பொருளை விரும்பாதே
-------------------------------------------------------
நடுநிலை தவறி பொருள்சேர்த்தால்
குடும்பம் நசிந்தே தத்தளிக்கும்!

நடுநிலை போற்றி வாழ்பவர்கள்
பழிதரும் பாவம் செய்வதில்லை!

நிலைத்த மகிழ்ச்சியை விரும்புவோர்கள்
அறநெறி மாறி நடக்கமாட்டார்!

புலனை அடக்கிய சான்றோர்கள்
வறுமை வந்தே சுட்டாலும்
மற்றவர் பொருளைக் கவரமாட்டார்!

பொருளைப் பறிக்க அறிவிழந்தே3
வாழ்பவன் படித்தவ னானாலும்
படித்தும் இங்கே பயனில்லை!

மற்றவர் உடைமையைக் கவராமல்
வாழ்பவர் செல்வம் குறையாது!

நல்லறம் கொண்ட சான்றோரைச்
செல்வம் எல்லாம் தேடிவரும்!

ஆசை வாழ்வை அழித்துவிடும்!
ஆசையை விட்டால் அழிவில்லை!

மதுரை பாபாராஜ்