இருநிலை மாற்றம்

 இளமையும் முதுமையும்!

இருவேறு அழைப்பு!

வரவேண்டும் நீங்கள் வரவேண்டும் என்றே

விருந்தினரைப் பார்த்து வரச்சொன்னார் அன்று!

வருவது பார்த்தேதான் வாங்க முதுமை

வருடத் தொடங்கியதே தள்ளாட்டம் வேறு!

சிரமப் படவேண்டாம் நீங்கள்! பயணச்

சுமைகளைத் தூக்க முடியாது என்பார்!

இருக்கும் இடத்தில் இருப்பதே நன்று!

கருத்தாக அக்கறை யோடு சொல்லி

நகர்வார் அனைவரும் இன்று.

மதுரை பாபாராஜ்