உறவு நிலைக்கப் பழகு!
====================================
மிகவும் நெருங்கி உரசவும் வேண்டாம்!
மிகவும் விலகி நெருடாவும் வேண்டாம்!
அகங்குளிர நாளும் அளவுடன் என்றும்
உறவு நிலைக்கப் பழகு.
=========================================
சிரிப்பில் நடிகன்
==============================
வெளியில் சிரிப்பு!உள்ளேயோ கண்ணீர்
சிரித்துச் சிரித்துக் குலுங்கிடச் செய்து
சிரிப்பை நடிப்பாய் உதிர்த்திட நானோ
சிரிப்பில் நடிகனானேன் !செப்பு.
=========================================
தாக்குப் பிடி!
=================
மூக்குள்ள மட்டும் சளிச்சிக்கல் உண்டம்மா!
தாக்குப் பிடித்துச் சமாளிக்க வேண்டும்நாம்!
வாட்டுகின்ற சிக்கலும் வாழ்வில் இதுபோல்தான்!
தாக்குப் பிடிக்கப் பழகு.
============================================
மலைக்காதே!
=====================
அலைபோல வாழ்வில் திரண்டுவரும் சிக்கல்
நிலைகுலைய வைக்கும்! நிலைகுலைய வேண்டாம்!
மலைபோல் நிமிர்ந்தால் அலைசலித்தே ஓயும்!
மலைக்காதே!சந்தித்து நில்.
=============================================