வெற்றிடம் நோக்கி!

பரபரப்பாய் வாழ்க்கைப் படிகளில் ஏறி
தரைப்பரப்பைத் தொட்டதும் எல்லோரும் வாழ்த்தி
வரவேற்க இன்பம் மகிழ்ச்சி வளங்கள்
கரங்கொட்டி நின்றிருக்க மெய்மறந்தே நிற்போம்!
இளமைப் பருவம் கடமை முடிந்தே
தளர்நடை போடும் பருவத்தில் சோர்வு
சுரக்கும் முதுமையில் வாட்டும் தனிமைக்
கலக்கத்தில் முன்னேறப் பார்ப்போம் தயங்கி!
பரந்தவெளி மாறியே வெற்றிடம் காண்போம்!
பரபரப்பாய் மற்றவர்கள் எல்லாம் தளத்தில்
கரமசைத்தே ஓட நாமோ நமது
கரங்களைத் தூக்கிட மூச்சுவாங்கும்! அந்தோ
வரவேற்கும் வெற்றிடம் நம்மைத்தான் தூண்டி!
அயர்வுடன் சென்றிருப்போம்!  பேச்சுத் துணையோ
தயக்கமுடன் மெல்ல வரும்.

மதுரை பாபாராஜ்