நிகிலுக்குப் பிறந்தநாள் வாழ்த்து

 செல்லப் பேரன் நிகில் அபிசேக் பிறந்தநாள் அகரவரிசையில் வாழ்த்து!

பெற்றோர்: எழிலரசன்-- சத்யபாமா

தம்பி: வருண் ஆதித்யா

09.10.20 வயது 15/16

இன்று உனக்குப் பிறந்தநாள்

உள்ளம் மகிழும் சிறந்தநாள்

அன்னை தந்தை ஆசியுடன்

ஆற்றல் கொண்டே முன்னேறு

இன்சொல் பேசி் முன்னேறு

ஈகை மனத்தால் முன்னேறு

உழைத்துப் படித்து முன்னேறு

ஊக்கம் கொண்டே முன்னேறு

எழுச்சி யோடு முன்னேறு

ஏற்றம் கண்டே முன்னேறு

ஐம்பொறி அடக்கி முன்னேறு

ஒழுக்கம் கொண்டே முன்னேறு

ஓய்வை அகற்றி முன்னேறு

எத்தனை மொழிகள் கற்றாலும்

ஔவைத் தமிழே  மூச்சாகும்!

குறளப் போற்றி முன்னேறு

குவலயம் போற்ற முன்னேறு

சுற்றம் சூழ வாழியவே

நண்பர்கள் சூழ வாழியவே

வாழ்க வாழ்க பல்லாண்டு

வளமுடன் வாழ்க பல்லாண்டு

பாபா தாத்தா

வசந்தா அவ்வா

குடும்பத்தார்

உறவினர்கள்