இப்படியும் வாழ்கின்றோம்

 வாழ்க்கை அன்றும் இன்றும்!

அப்படியும் வாழ்ந்தோம்!

அன்றாடம் மாற்றிமாற்றி ஆடை அணிந்துகொண்டு

அங்குமங்கும் ஓடி பரபரப்பாய் வேலைக்கு

வண்டிகளில் சாலை நெரிசலில் சிக்காமல்

சென்று பணியாற்றி மாலையில் வீடுகளில்

வந்தே நுழைகின்ற வாழ்விலே அப்படித்தான்

அன்றாடம் வாழ்ந்திருந்தோம் அன்று.

இப்படியும் வாழ்கின்றோம்!

எளிமையாய் ஆடை அணிந்துகொண்டு வீட்டில்

மடிக்கணினி  முன்னால் உட்கார்ந்தே வேலை

முடிக்கின்ற சூழலில் எங்குமே செல்லும்

துடிப்பின்றி ஆடை அணிகலன் எல்லாம்

மடித்துவைத்த கோலத்தில் இந்தக் கொரோனா

பிடியிலே சிக்காமல் வாழும் நிலையில்

துடித்தேதான் இப்படியும் வாழ்கின்றோம் இன்று!

முடியும் நிலைவரும் நம்பு.

மதுரை பாபாராஜ்