நாடக மேடை

நாடக மேடை

வாழ்க்கை என்பது நாடக மேடை!

நாமெல் லோரும் நடிகர்கள்

ஒவ்வொரு நாளும் ஒரு வேடம்

வேடம் கலைந்ததும் மறுவேடம்!

வேடங்கள் எப்படிப் போட்டாலும்

அடிப்படைப் பண்புகள் மாறவேண்டும்!

எதிர்மறைப் பண்புகள் எல்லாமே

உதிர்ந்து போகும் சருகுகளே!

உதிர்க்க மறுத்து வாழ்ந்திருந்தால்

உறுத்தும் உந்தன் மனசாட்சி!

வேடம்  எத்தனைப் போட்டாலும்

உண்மை ஒருநாள் வெளிப்படுமே!

நேர்மறைப் பண்பைப் போற்றிடுவோம்

நிம்மதி யாக வாழ்ந்திடுவோம்!

மதுரை பாபாராஜ்