மன உளைச்சல்

தங்கக் கலசத்தில் கீறல் விழுந்துவிட்டால்
இங்கே சரிசெய்து பார்க்கலாம்-- மண்பாண்டம்
கீழே விழுந்து நொறுங்கிவிட்டால் பாண்டத்தை
யாரே சரிசெய்வார் சொல்?

உலகப்பெயர்ச்சி

வாழ்வின் கடற்கரையில் பாடிப் பறந்தவர்கள்
தாழ்வழுத்தக் காற்றுகளால் அந்தோ கடலுக்குள்
சூழும் சுழற்சிகளால் உள்வாங்கப் பட்டேதான்
பாழும் உலகக் கடற்கரையில் எங்கெங்கோ
வாழும் நிலைபெற்றார் காண்

புகழலை

பணிக்களம் சென்று படிப்படி யாக
தனித்திறன் முத்திரை நாளும் பதித்துக்
கனிந்த நிலையில் பணிநிறைவு பெற்றே
தணியும் புகழின் அலை.