மகள் சுபா ரவி!

 விமானத்தில் இருந்து சுபா ரவி!

01.02.23

மேகத்தைக் கைபேசி மூலம் விமானத்தின்

சாளரக் காட்சியை நன்றாய் மகள்சுபாதான்

ஆர்வமாய் இங்கே படமெடுத்தாள் பார்ப்பதற்கு!

வாழ்கவென்றே வாழ்த்துகிறேன் நான்.

மதுரை பாபாராஜ்

தெய்வத்திரு சுப்ரமணியன்

தெய்வத்திரு சுப்ரமணியன் அவர்களை என்றுகாண்போம்?

உண்மையில் நட்பில் நளினத்தைக் காட்டியவர்!

அன்பாய்ப் பழகியவர்! ஆசைப் படாதவர்!

கண்போல நேரந்  தவறாமை காத்தவர்!

புன்னகை செய்வார்! பணிவே அவர்சொத்து!

பொங்கலன்று செங்கரும்பும் பொங்கல் பொருள்களும்

கொண்டுவந்து வைத்துவிட்டுச் சென்றார் வரவில்லை!

நண்பராய் வாழ்ந்தவர் இந்த உலகைவிட்டு

சென்றுவிட்ட செய்திதான் வந்தது! அய்யகோ!

என்றுகாண்போம் மீண்டுமிங்கே நாம்?

மதுரை பாபாராஜ்

வசந்தா

குடும்பத்தார்

 

நண்பர் எழில்புத்தன்

நண்பர் எழில்புத்தன்  ஆங்கிலச் சொல்லோவியத்திற்குக் கவிதை!

குழுவாய்ப் பணிசெய்தல் எப்போதும் நன்றே!

குழுவினைச் சாராமல் இங்கே தனித்தே

இயங்கிட வாய்ப்புக் கிடைத்தால் பொறுப்பைச்

சுமக்கத் தயங்காதே! உந்தன் முயற்சி

மதிப்பால் உயரும் உணர்.

மதுரை பாபாராஜ்

 

நண்பர் முருகு

 நண்பர் முருகு தமிழய்யா தூள்!

வேட்டிசட்டை துண்டுபோட்டே எங்க தமிழய்யா

காட்டுகின்ற காட்சியைக் கண்டே ரசிக்கின்றோம்!

போட்டிபோட்டு தென்னையும் நெல்லும் வயலிலே

லூட்டி அடிக்கிறது பார்.

மதுரை பாபாராஜ்

பொய் சரியும்

 பொய் சரியும்!

பொய்யை மறைப்பதற்குப் பொய்களைச் சொல்லித்தான்

பொய்மேலே பொய்யாக

பொய்யடுக்கிக் கட்டுகின்றார்!

பொய்களை மெய்வந்தே வென்று நிமிர்ந்தவுடன்

பொய்கள் சரிந்துவிழும் இங்கு.

மதுரை பாபாராஜ்

நண்பர் மொகலீஸ்வரன்

நண்பர் மொகலீஸ்வரன் அனுப்பிய ஆங்கிலச் சொல்லோவியத்திற்குக் கவிதை!

ஒருவர் சிரிக்கின்றார் என்றாலோ வாழ்க்கை

முழுமையாக நாளும் மகிழ்ச்சி நிறைந்த

நிறைவென்று எண்ணவேண்டாம்! அந்தச் சிரிப்பு

வலிமையை நம்பிக்கை தன்னையே ஏந்தும்

அடையாளச் சின்னம்! உணர்.

மதுரை பாபாராஜ்

 

பறவைகளின் ஏக்கம்

பறவைகளின் ஏக்கம்!

பண்பாளர் சேகரோ எங்கள் படங்களை

அன்புடன் போட்டே வணக்கம் அனுப்புவார்!

எங்களுக்குள் போட்டிபோட்டு நாங்கள் இடம்பெறுவோம்!

பண்பாளர் இல்லத்தைச் சுற்றி வருகிறோம்!

என்றாலும் ஏனோ வணக்கம் அனுப்பவில்லை?

எங்களுக்கும் ஏக்கமோ உண்டு.

மதுரை பாபாராஜ்

 

நண்பர் எழில்புத்தன்

நண்பர் எழில்புத்தன் சொல்லோவியம்!

செயல்களின் சாதனைக் கெல்லையே இல்லை!

அளவுகளின் எல்லை, அணுகுமுறை தன்னை

நிலையை அனுசரித்து மாற்றவேண்டும்! அந்தப்

பணிகள் முழுமை பெறும்மட்டும் இங்கு!

பணிகளின் வெற்றி! நிறைவு.

மதுரை பாபாராஜ்

 

சிக்கலுக்குச் சிக்கலை உண்டாக்கு!

 குறள் எண்:623

இடும்பைக்கு இடும்பை படுப்பர் இடும்பைக்கு

இடும்பை படாஅ தவர். 

சிக்கலற்ற சூழ்நிலை என்றெண்ணி வாழ்ந்தபோது

சிக்கலை உண்டாக்கி சிக்கலுக்குள் சிக்கித்தான்

சிக்கலுடன் போராடி வேறுபட்டே வாழ்கின்றார்!

சிக்கல் நகைக்கிறது செப்பு.

சிக்கலுக்குச் சிக்கலை உண்டாக்கி வாழ்ந்திருந்தால்

சிக்கலின்றி வாழலாம் செப்பு.

மதுரை பாபாராஜ்

Dudhsagar falls!

Dudhsagar falls!

பால்போன்ற வெண்ணிறத் தண்ணீர் ஓடிவந்தே

ஆலம் விழுதுபோல் மூன்றாய்ப் பிரிந்தேதான்

வீழ்கின்ற நீர்வீழ்ச்சி யாம்.

வருண் ஆதித்யா

 

Palolem beach!

Palolem beach!

கூட்டமின்றி வெண்மணல் இங்கே பரந்திருக்க

ஆட்டமின்றி தண்ணீர் அமைதியாக உள்ளது!

நாட்டமுடன் சென்றே உணவருந்தும் கூடமுண்டு!

வேட்கையுடன் ஆட இசையரங்கம் உண்டிங்கே!

பார்த்து ரசிக்கலாம் இங்கு.

வருண்

 

Basilica of Bom Jesus!

Basilica of Bom Jesus!

நானூறு ஆண்டு பழமையுடன் நிற்கின்ற

வானுயர மாதாவின் கோயிலிது! சேவியர்

பேர்சொல்லும் கல்லறை பார்.

வருண்

 

Aguada fort

Aguada Fort!

போர்த்து கீசியர் கோட்டையாம்! நீள்கடல்

பார்த்திருக்கும்! பாழடைந்து நிற்கின்ற காட்சியுடன்

ஆரவார மற்ற கலங்கரை தீபமுண்டு!

பார்க்கப் பரவசந் தான்.

வருண்

 

பாகா கடற்கரை BAGA BEACH

 Baga beach

பரபரப்பாய் உள்ள கடற்கரை! தண்ணீர்

விளையாட்டு மற்றும் உணவகங்கள் சூழ

மதுக்கூடம் உண்டு!

இரவில் ஆடும் 

அரங்கம்  விளங்க

ஆரவாரக் கூட்டம்

திருவிழாக் கோலந்தான் சொல்.

வருண்

கோவா

GOA

அரபிக் கடலில் அமைந்த நகரம்!

அழகான கோவா இந்திய நாட்டின்

வளமாக மேற்குப் பகுதியில் உண்டு!

பழமை  மிளிர்கின்ற மாதாவின் கோவில்

அழகுசெய்ய சுற்றுலா ஆர்வலர்கள் மொய்க்கும்

நகராக உள்ளதைப் பார்.

வருண் ஆதித்யா

 

உடற்பயிற்சியின் பயன்கள்

 உடற்பயிற்சியின் பயன்கள்!

உடற்பயிற்சி செய்தால் புலனடக்கம் தோன்றும்!

அடக்கம் பணிவென்னும் பண்புகள் ஊறும்!

நடைமுறை எல்லாம் எளிமையாய் மாறும்!

உடல்நலம் மற்றும் மனநலம் சேரும்!

படமெடுக்கும் சீற்றம் தீது.

மதுரை பாபாராஜ்

நண்பர் இசக்கிராஜன்

நண்பர் இசக்கிராஜன் அனுப்பிய ஆங்கிலச் சொல்லோவியத்திற்குக் கவிதை!

கிடைப்பதற்கு முன்னும் இழந்ததற்குப் பின்னும்

மதிப்பை உணர்வோம்! இடைப்பட்ட நாளில்

மதிப்பை உணரமாட்டோம் நாம்.

மதுரை பாபாராஜ்

 

நண்பர் எழில் புத்தன்

நண்பர் எழில்புத்தன் சொல்லோவியத்திற்குக் கவிதை!

நிகழ்வுகள் ஒவ்வொன்றும் புத்தம் புதிய

அனுபவமே! நம்களிப்பின் பாதையே! கற்றுத்

தருகின்ற வாய்ப்பாகும்! நல்லதா ஏற்போம்!

வரும்வாய்ப்பு நல்லதில்லை என்றால்

 தவிர்ப்போம்!

அனுபவத்தை கற்கப் பழகு

மதுரை பாபாராஜ்

 

உளைச்சல்

 உளைச்சலிலே நாங்கள்!

தலைநிமிர்ந்து வாழ்ந்த குடும்பங்கள் இன்று

தலைகுனிந்து வாழ்கின்ற சூழலைத் தந்தார்!

மலைக்கின்றோம் என்னசெய்வ தென்றேதான் நாங்கள்!

உளைச்சலில் எங்கள் மனம்.

மதுரை பாபாராஜ்

ரகு

குடும்பத்திற்கே பெருமை ரகு!

பெற்றோர் மனைவியும் பின்னணியில் வாழ்த்திசைக்க

மெச்சத் தகுந்த பணிக்களத்தின் முன்னணியில்

ஒப்பற்ற தொண்டுகளை செய்ததன்  நற்பயனால்

வெற்றி விருதினை ஆட்சியர் தந்ததை

நற்றமிழால் வாழ்த்துகிறோம் இங்கு.

மதுரை பாபாராஜ்

வசந்தா

 

நண்பர் எழில்புத்தன்

நண்பர் எழில்புத்தன் அவர்களுன் ஆங்கிலச் சொல்லோவியம்!

சிந்தித்துக் கொண்டே இருந்தால் பயனில்லை!

உங்களின் பொன்னான நேரத்தை வீணடிக்கும்!

என்ன முடியுமோ செய்யுங்கள் நாள்தோறும்!

நன்றாக மேம்படுத்தப் பார்.

மதுரை பாபாராஜ்

 

நண்பர் திரு

நண்பர் திரு அவர்கள் அனுப்பிய ஆங்கிலச் சொல்லோவியத்திற்குக் கவிதை:

வெளிச்சத்தில் ஒவ்வொன்றும் பின்தொடரும் உன்னை!

வெளிச்சத்தை விட்டே இருளில் நுழைந்தால்

நிழல்கூட உன்னைத் தொடராது! இங்கே!

வெளிச்சமே வாழ்வின் உயிர்.

மதுரை பாபாராஜ்

 

நண்பர் எசக்கிராஜன்

நண்பர் இசக்கிராஜன் அனுப்பிய ஆங்கிலச் சொல்லோவியத்திற்குக் கவிதை!

தவறுகளைச் செய்தல் தவறல்ல! ஆனால்

தவறில் இருந்துநாம் அந்தத் தவறைத்

தவறியும் செய்யாமல் 

எப்படி வாழ்தல்

அவனியில்  என்றேதான் கற்கத் தவறும்

தவறுதான் இங்கே தவறு.

மதுரை பாபாராஜ்

 

நண்பர் லிங்கராஜ்

 

நண்பர் லிங்கராஜ் அனுப்பிய ஆங்கிலச் சொல்லோவியத்திற்குக் கவிதை:

சிக்கல்கள் நீடித்து நிற்பதில்லை! மாறாக

அக்கறையாய்க் கையெழுத்தை நாளும் அனுபவப்

புத்தகத்தில் உங்களது வாழ்க்கையில்  அங்கங்கே

இட்டுவிட்டுச் செல்கிறது என்றே புரிந்துகொள்!

தக்கபாடம் கற்பதே நன்று.

மதுரை பாபாராஜ்

திருமதி நிலமங்கை துரைசாமி,விசாகை

திருமதி நிலமங்கை துரைசாமி கைவண்ணம்!

வெள்ளைச் சிவப்பு கலந்திருக்கும் வண்ணமுள்ள

துள்ளித் திரியும் முயலுருவைக் கண்முன்னே

அள்ளிப் பருகும் அழகுடனே அம்மாவின்

கற்பனை வண்ணம் மிளிர்ந்திடவே வாழ்த்துகின்றார்!

நற்றமிழ்போல் வாழ்கபல் லாண்டு.

மதுரை பாபாராஜ்

 

உலக இயல்பு

 உலக இயல்பு!

இவர்சென்றார் இன்று!  அவர்செல்வார் நாளை!

எவர்சென்ற போதும் இயற்கை இயங்கும்!

அவரவர் வாழ்க்கை நிகழ்வும் நடக்கும்!

உலக இயல்பே இறப்பு.

மதுரை பாபாராஜ்

சுதர்சன் பட்நாயக் வாழ்க

சிற்பக்கலைஞர் சுதர்சன் பட்நாயக் அவர்களுக்கு வாழ்த்து!

பூரி கடற்கரையில் வள்ளுவர் சிற்பத்தை

ஆர்வமுடன் அங்கே மணலில் வடிவமைத்தார்!

பார்புகழ் பட்நாயக் ஆற்றலை வாழ்த்துவோம்!

பார்போற்ற வாழ்கபல் லாண்டு.

மதுரை பாபாராஜ்

 

நண்பர் சந்திரன்

நண்பர் சந்திரனுக்கு வாழ்த்து!

கோப்பைக் குளம்பியின் பின்னணியில் வண்ணமலர்ப்

பூங்கொத்தைக் காலை வணக்கமாய்த் தூதுவிட்ட

நண்பனே! சந்திரனே!

நன்றி நவில்கின்றேன்!

வண்டமிழ்போல் வாழ்க மகிழ்ந்து.

மதுரை பாபாராஜ்

 

நண்பர் எழில்புத்தன்

 

நண்பர் எழில்புத்தன் சொல்லோவியத்திற்குக் கவிதை!

மற்றவர்கள் காட்டும் செயல்திறனைப் பார்க்கலாம்!

கற்பதோடு நம்மெல்லைக் கோடு முடிந்துவிடும்!

உங்கள் செயல்திறனைப் பாதிக்கக் கூடாது!

கற்றுக்கொள், சோதனைசெய், ஏற்றுக்கொள், மேம்படுத்து!

முன்னேறு உன்னிலக்கைப் பார்த்து.

மதுரை பாபாராஜ்

ஒன்பதில் ஒன்றெங்கே?

 ஒன்பதில் ஒன்றெங்கே?

ஒன்பதில் ஒன்றாய் இருந்தவர் ஒன்பதில்

ஒன்றாக இல்லாமல் சென்றுவிட்டார்

தானாக!

என்று வருவாரோ? ஒன்பதில் ஒன்றாகும்

பொன்னாள் மீண்டும் தருவாரோ? காத்திருப்போம்!

வந்துவிட்டால் எல்லோர்க்கும் நன்று.

மதுரை பாபாராஜ்

15.01.23

குரோவ் வளாகப் பூனை

குரோவ் வளாகத்தில் விடியல்பொழுது நடந்தபோது பூனை!

15.01.23

புலர்ந்தும் புலராத காலைப் பொழுதில்

நடந்துவந்தேன் எங்கள் வளாகத்துள் இன்று!

நடக்கும் பொழுதிலே கால்களுக்குள் பூனை

இடைமறித்து இங்கே குறுக்கு நெடுக்காய்

கடந்துசென்ற கோலம் ரசித்தேன் வியந்து!

நடக்க விடவில்லை கூடவந்த பூனை!

நடந்தேன்நான் மின்தூக்கி உள்ளேதான்! பூனை

அடைந்ததே ஏமாற்றம் நின்று.

மதுரை பாபாராஜ்

 

Sail with the wind

 SAIL WITH THE WIND!

Breeze becomes Storm!

Challenge all! Life becomes target!

Sail with the wind

No other go! Can't change 

The direction of the wind!

Wind is mightier than humans!

Humans can't go against wind!

Wind tosses humans

Can stop the journey

Make everything stand still!

Can make topsy turvy changes!

Uproot everything!

Then disappear abruptly!

When will disappear?

Where will go?

Nobody knows! 

Wind will change! 

Change will come!

Storm becomes breeze!

Madurai Babaraj

மனக்குப்பை-- மனைக்குப்பை

மனக்குப்பை - மனைக்குப்பை!

குறள்நெறிக் குரிசில் சி ஆர் சொல்லாடலுக்குக் கவிதை!

மனக்குப்பை சேரவிட்டால் சீரழியும் பண்பு!

மனைக்குப்பை சேரவிட்டால் பாழாகும் வீடு!

இரண்டுவகை குப்பைகளைத் தூக்கி எறிவோம்!

உளைச்சலின்றி வாழ்ந்திருப்போம் நாம்.

மதுரை பாபாராஜ்

குப்பையைப் பற்றிய மாணிக்க கவிதை பாபா

சி ஆர்

 

PEARL KIDS பள்ளி

PEARLKIDS பள்ளியில் பொங்கல் திருவிழா!

தலைமை ஆசிரியை:

திருமதி சிவகாமி சீனிவாசன்!

பானையிலே பொங்கல் செழித்தோட பாப்பாக்கள்

தேன்மழலை பூங்குரலில் பொங்கலோ பொங்கலென்று

வானதிர சேர்ந்தே குலவை இசைத்திருக்க

ஆசிரியை ஊக்குவிக்க கொண்டாடும் கோலந்தான்!

நேசமுடன் வாழ்த்துவோம் நாம்.

மதுரை பாபாராஜ்

 

நண்பர் வேணு

நண்பர் வேணுவின் இட்லி காணொளித் தாக்கம்!

பல்முளைக்கும் பாப்பாவும் பல்போன தாத்தாவும்

நல்லா ரசித்தும் சுவைத்துமே உண்பது

மல்லிகைப்பூ இட்லி! உணர்.

மதுரை பாபாராஜ்

 

நண்பர் எழில்புத்தன்

நண்பர் எழில்புத்தன் சொல்லோவியத்திற்குக் கவிதை!

தேர்ந்தெடுக்கும் பாதையை சிந்தித்துத் தேர்ந்தெடு!

தேர்ந்தெடுத்த பின்பு முயற்சியை ஆர்வமுடன்

ஆழ்ந்து முழுமனத் தோடு முதலீடு

செய்யவேண்டும்! தேர்ந்தெடுக்கும் வாய்ப்பில் எதிர்காலம்

மட்டுமல்ல வாழ்க்கைப் பயணமிங்கே என்றென்றும் 

வெற்றியுடன்   செல்வதையும் தீர்மானம் செய்கிறது 

வெற்றிக்குத் தேர்வுசெய்தல் கண்.

மதுரை பாபாராஜ்

 

மருமகன் ரவி

மருமகன் ரவி அனுப்பியதற்குக் கவிதை!

வெற்றிவீரன் என்ப தவரிங்கே வெற்றிகள் 

பற்றுவதில் இல்லை! அவரிங்கே எப்படிப்

பற்றி எழுகின்றார் வீழும் பொழுதிலே

என்பதில் உள்ளது சொல்.

மதுரை பாபாராஜ்

 

நண்பர் எழில்புத்தன்

நண்பர் எழில்புத்தன் சொல்லோவியத்திற்குக் கவிதை!

உலகியல் சார்ந்த பொருள்கள் எதுவாய்

இருந்தாலும் நாமோ உடல்நலம் பேண

கவனம் செலுத்தவேண்டும்! வாழ்க்கையைக் காக்கும்

மிகவும் அடிப்படை யாகும் இதுதான்!

இதுஇல்லா மல்நாம் எதையும் சிறப்பாய்

செயலாக்கல் நாளும் அரிது.

மதுரை பாபாராஜ்

 

புண்படும் உள்ளம்

 புண்படும் உள்ளம்!

கண்முன் குடும்பம் சிதைகின்ற கோலங்கள்

என்னுள் உளைச்சலைத் தூண்டித் துடிக்கவைக்கும்!

என்ன தவறுசெய்தேன் என்றே புரியவில்லை!

எங்கு தடுமாற்றம்! என்றும் தெரியவில்லை!

புண்படும் உள்ளமுடன் வாழ்வு.

மதுரை பாபாராஜ்

நண்பர் எழில்புத்தன்

 நண்பர் எழில்புத்தன் சொல்லோவியம்!

இல்லாத மற்றும் நடக்காத ஒன்றினை

உள்ளத்தில் கற்பனை செய்துகொண்டு வாடாமல்

உள்ளதில் நாளும் மகிழ்ந்தே அனுபவித்தே

உன்னால் முடிந்ததைச் செய்.

மதுரை பாபாராஜ்

நண்பர் எழில்புத்தன்

நண்பர் எழில்புத்தன் சொல்லோவியம்

இலக்குகளை நிர்ணயித்து வேலைகள் செய்தல் 

அருமைதான் மற்றும் மகிழ்ச்சிதான்! நன்றே!

மடைமாற்றம் தீது! இணங்கவைத்தல் மற்றும்

தொடர்ந்தேதான் கண்காணித் தல்நன்று!  இங்கே

தொடரும் நடவடிக்கை நாளும் சிறிதாய்

இருந்தாலும் என்றும் இலக்குகளை நோக்கிப்

பயணித்தல் இங்கே சிறப்பு.

 

ஐயா சண்முகசாரதி அவர்களுக்கு வாழ்த்து!

 ஐயா சண்முகசாரதி அவர்களுக்குப் பிறந்தநாள் வாழ்த்து!

சண்முக சாரதி தேன்குறள் சாரதியாய்

அன்புடன் நற்கருத்தை நாளும் பகிர்ந்தளிக்கும்

பண்பிற்கு நன்றி நவில்கின்றேன்! வாழ்த்துகிறேன்!

வண்டமிழ்போல் வாழ்கபல் லாண்டு.

மதுரை பாபாராஜ்

பேரன் வருணும் பாபா தாத்தாவும்!

பேரன் வருணும்-- பாபா தாத்தாவும்!

தாத்தாவும் பேரன் வருணுமிங்கே நெற்றியுடன்

போட்டிபோட்டு முட்டுகின்றார்! ஆடுகள்போல் ஆர்வமுடன்!

தாத்தாவின் தோள்மீது பேரனோ கைவைத்துப்

பார்க்கிறான் வெற்றியுடன் தான்.

மதுரை பாபாராஜ்

 

பாடலால் கலக்கம் நீங்கும்!

தமிழ் திரைப்படம் -விளக்கேற்றியவள் (1965)

பாடல்-கத்தியை தீட்டாதே  உந்தன் புத்தியை தீட்டு

பாடலாசிரியர்.-ஆலங்குடி சோமு

பாடுபவர் மதுரை பாபாராஜ்

 பாடலால் கலக்கம் நீங்கும்!

கவலைகள் தேள்களாய்க் கொட்டுகின்ற நேரம்

இரக்கம் கருணை மணக்க இசையில்

தவழ்கின்ற உள்ளத்தில் உற்சாகம் பொங்கி

உலகை மறக்கவைக்கும் தத்துவப்  பாடல்!

கலக்கமே சற்றுநேரம் நீங்கு.

மதுரை பாபாராஜ்

நண்பர் BSNL இராமசாமி

 நண்பர் BSNL இராமசாமி அவர்களுக்கு நன்றி!

பலவகை யான மகிழ்ச்சி அலைகள்

நிலையாக உம்மை இனங்கண்டே திங்கள்

தொடங்கட்டும் இந்தவா ரத்தைத்தான் இங்கு!

அகங்குளிர்ந்த வாழ்த்தினை வாழ்த்து.

மதுரை பாபாராஜ்

நண்பர் எழில்புத்தன்

நண்பர் எழில்புத்தன் சொல்லோவியத்திற்குக் கவிதை!

தொழிலின் வளர்ச்சியில்  நன்கு கவனம்

செலுத்துவது முக்கியம்! நாளும்  உறவிலே

நல்லுறவைக் கட்டமைத்தல் முக்கியமே! இந்த

முறையிலே நேரம் முயற்சியை இங்கே

தியாகம் புரிந்தோர்மேல் நாம்கவனம் காட்டும்

விவேகத்தால்  நம்முடைய உற்பத்தி கூடும்!

வளர்ச்சிக்(கு) உரமே இது.

மதுரை பாபாராஜ்

 

மகன் எழிலரசன் அனுப்பியது

மகன் எழிலரசன் அனுப்பிய ஆங்கிலச் சொல்லோவியத்திற்குக் கவிதை!

மனத்துக்கண் மாசிலன் ஆதல்!

உன்னுடைய உள்ளமும் எண்ணமும் தூய்மையாய்

உள்ளவரை மற்றவர்க்கு  உன்னைநீ வாழ்க்கையில்

எள்ளவும் இங்கே விளக்கவே தேவையில்லை!

உள்ளத்தின் தூய்மையே மெய்.

மதுரை பாபாராஜ்

 

பாளை இசக்கியார் வாழ்க

பாளை இசக்கியார் வாழ்க!

வேட்டியை வைத்து விளக்கம் வகைவகையாய்

ஊற்றெடுத்த பாங்கை ரசித்தே சிரித்திருந்தேன்!

வேட்டி பயன்களின் பட்டியல் அற்புதம்!

பாளையங் கோட்டை இசக்கியார் வாழ்கவே!

வாழ்த்துகிறேன் வாழ்கபல் லாண்டு.

மதுரை பாபாராஜ்

 

நண்பர் எழில்புத்தன்

நண்பர் எழில்புத்தன் அனுப்பிய சொல்லோவியத்திற்குத் தமிழாக்கம்!

சாதிக்க வேண்டுமென்று எப்போதும் தேடலில்

ஓடியே வாழவேண்டாம்! சுற்றி இயற்கையாய்

தூவியுள்ள காட்சி மகிழ்ச்சியில் இன்புறுக!

நேயமுடன் நன்றி நவின்று.

மதுரை பாபாராஜ்

 

நண்பர் எழில்புத்தன்

நண்பர் எழில்புத்தன் சொல்லோவியத்திற்குக் கவிதை!

உயர்வுள்ளல் என்றுமே ஊக்கந்தான்!  நாளும்

அதைநோக்கி நாமும் சிறிய அடிகள்

அளந்தளந்து வைத்தல் அதற்கு நிகராய்

உளத்திலே ஊக்கம் அடைவதும் நன்றே!

இதிலே ஒழுக்கமோ நாள்தோறும் தேவை!

இலக்கை அடைதல் மகிழ்வு.

மதுரை பாபாராஜ்

 

நண்பர் எழில்புத்தன்

நண்பர் எழில்புத்தன் சொல்லோவியத்திற்குக் கவிதை!

நீங்கள் ஒருசெயலை கூடுதல் உற்சாகம்

ஆற்றலுடன் செய்யும் பொழுதிலே கூடுதலாய்

ஊற்றெடுக்கும் நாளும் மகிழ்ச்சி திருப்திதான்!

மாற்றமுடன் நீங்கள் வலிமைபெறக்

காத்துதவும்!

சாதனையே உங்கள் இலக்கு.

மதுரை பாபாராஜ்

 

பேராசிரியர் சுப வீ

மதிப்பிற்குரிய சுப.வீ அவர்களுக்கு வாழ்த்து!

பேரா சிரியரா? பைந்தமிழ்ப் பாவலரா?

ஆர்வமுள்ள ஆய்வாளர் 

பண்பகமா? பன்முக

ஆற்றல் மிளிரும் அறிஞரா? அற்புதந்தான்!

வீரனார் வாழ்கபல் லாண்டு.

மதுரை பாபாராஜ்