மகன் பிரபாகர் அனுப்பிய காணொளி

மகன் பிரபாகர் அனுப்பிய காணொளிக்குக் கவிதை

 Hima Das wins 400 m Gold in CEG at Birmingham

ஒருவர்பின் இங்கே ஒருவராக ஓடி

ஒருவராய் முந்தி முதலாவ தாக

வருவதற்கே ஓடுகின்றார் வேகமாகத் தானே!

விருதிலே தங்கம் மதிப்பு.

மதுரை பாபாராஜ்

ஆதித்யா அம்மா அனுப்பிய படம்

 

ஆதித்யா அம்மா அனுப்பிய படம்!

மேலைத் திசையிலே மாலைக் கதிரோனைச்

சோலைக் கிளியோ மரத்திலே நின்றுபார்க்க

மாலை அழகே அழகு.

மதுரை பாபாராஜ்

கிளியே கிளியே பழமென்றே எண்ணி

அருகிலே சென்றால் பொசுக்கும் கதிரோன்!

கழுத்து வலிக்கும்! உணர்.

மதுரை பாபாராஜ்

ஆதித்யா அம்மா அனுப்பிய படம்

ஆதித்யா அம்மா அனுப்பிய படத்திற்குக் கவிதை!

வீட்டில் தொலைக்காட்சி பார்ப்பதற்கு வானலை

வாங்கியை மாடியில் வைத்திருக்கும் மக்களைப்பார்!

வீட்டுக்குள் போனால் விரட்டுவார்கள்! வானத்தை

நோக்கிப் பறக்கலாம் வா.

Antenna-- 

வானலை வாங்கி

மதுரை பாபாராஜ்

 

நடைதளர்ந்த வாழ்க்கை

 நடைதளர்ந்த வாழ்க்கை!

புயற்காற்று வீசியது! காற்றென்னைத் தூக்கித்

தரையில் எறிந்தது! எங்கெங்கோ  காயம்!

நிலைகுலைந்தேன்! உள்ளம் உடலுடன் சோர்ந்து

நடைதளர வாழ்கிறேன் இன்று.

மதுரை பாபாராஜ்

நண்பர் எழில்புத்தன்

நண்பர் எழில்புத்தன் சொல்லோவியத்திற்குக் கவிதை!

உங்களுக்குத் தேவைப் படுவதை நீங்களே

செய்யவேண்டும்! உங்களுக்குச் சற்றும் தொடர்பற்ற

வேலைகளைப் பற்றி கவலைப் படவேண்டாம்!

வேலைக் குழப்பம் தவிர்.

மதுரை பாபாராஜ்

 

கரை தெரியுமா?

 கரை தெரியுமா?

என்படகைச் சூழ்ந்துவந்த மற்ற படகுகள்

என்படகைத் தன்னந் தனியாக விட்டுவிட்டுச்

சென்றதெங்கே? நான்மட்டும் இங்கே நடுக்கடலில்!

கண்களுக் கெட்டிய தூரமெல்லாம் தண்ணீர்தான்!

என்றுகாண் பேனோ கரை?

மதுரை பாபாராஜ்

மகள் திருமதி உமாபாலு

மகள் திருமதி உமாபாலு அனுப்பிய சொல்லோவியத்திற்குக் கவிதை!

புன்னகைக்குப் பின்னிருக்கும் உங்கள் துயரங்கள்!

உங்கள் சினத்திற்குப் பின்னிருக்கும் அன்பிழை!

உங்கள் அமைதிக்குப் பின்னிருக்கும் காரணம்!

இம்மூன்றைப் பார்த்துணரும் மாந்தரை நம்புங்கள்!

வேடமற்ற நட்பினை நம்பு.

மதுரை பாபாராஜ்

 

நண்பர் எழில்புத்தன் சொல்லோவியம்

நண்பர் எழில்புத்தன் சொல்லோவியத்திற்குக் கவிதை!

மனமோ நிலையின்றிப் போனால் மனமோ

அலைபாயும் போது சிறிய பணியை

நிறைவேற்றிப் பார்த்தல் கடினமாகும்! மேலும்

சவால்நிறைந்த தன்மையு மாகும்! கவனம்

சிதறாமல் மேகமூட்டந் தன்னைப் புரிந்தே

விலக்கவேண்டும் எப்படியும் நாம்..

மதுரை பாபாராஜ்

 

மருமகன் ரவி

மருமகன் ரவி அனுப்பியதற்குக் கவிதை!

சோர்வாய் இருந்தாலும் நீங்கள் தலைநிமிர்ந்து

வாழ்க்கையின் சூழ்நிலையைச் சந்திக்க வேண்டுமிங்கே!

வாழ்க்கையை வாழப் பழகு.

மதுரை பாபாராஜ்

 

மகள் திருமதி உமாபாலு

மகள் திருமதி உமாபாலு அனுப்பியதற்குக் கவிதை!

வாழ்க்கை சதுரங்க ஆட்டம்! நடந்ததை

வாழ்வில் நிறுத்த முடியாது! ஆனாலும்

நாமோ அடுத்த முயற்சியை சிந்தித்து

வாழ்வில் நடத்தினால் வெற்றி கிடைத்துவிடும்!

வாழ்க்கையோ வாழ்வதற்கே தான்.

 

மதுரை பாபாராஜ்

 

எங்கே நிம்மதி

 எங்கே நிம்மதி?

தேடுவார் நாடுவார் செல்வத்தை! செல்வங்கள்

சேர்ந்ததும் தேடுவார் நிம்மதியை! நிம்மதியை

ஓடியோடித்  தேடினாலும் எங்கும் கிடைக்காது!

கூறுவார் தத்துவம்! பார்.

மதுரை பாபாராஜ்

நண்பர் வீதிவிடங்கன் அனுப்பியதற்குக் கவிதை

 

நண்பர் வீதி விடங்கன் அனுப்பியதற்குக் கவிதை!

நூற்றுக் கணக்கான நண்பர்கள் உள்ளது

வாழ்விலே அற்புதம் இல்லையே! அற்புதமோ

நூறுநண்பர் நம்மை எதிர்க்கும் பொழுதிலே

வாழ்வில் உறுதுணையாய் நிற்கும் ஒருநண்பர்

தேர்ந்தெடுக்கும் உள்ளுணர்வு தான்.

மதுரை பாபாராஜ்

நண்பர் எழில்புத்தன் சொல்லோவியம்

நண்பர் எழில்புத்தன் சொல்லோவியத்திற்குக் கவிதை!

நொடிப்பொழுதில் நம்மைத் திசைதிருப்பும் கோலம்

திசைமாறத் தூண்டிவிடும் காட்சிகள் உண்டு!

இடங்கொடுக் காமல்நாம் எண்ணங் களையோ

தடம்மாறிச் செல்லாமல் அவ்வப் பொழுது

முறைப்படுத்தி நம்மிலக்கை நாமடைய வேண்டும்!

கவனமுடன் வாழப் பழகு.

மதுரை பாபாராஜ்

 

நடைதளர்ந்த வாழ்க்கை

 நடைதளர்ந்த வாழ்க்கை!

புயற்காற்று வீசியது! காற்றென்னைத் தூக்கித்

தரையில் எறிந்தது! எங்கெங்கோ  காயம்!

நிலைகுலைந்தேன்! உள்ளம் உடலுடன் சோர்ந்து

நடைதளர வாழ்கிறேன் இன்று.

மதுரை பாபாராஜ்

சருகு

 சருகு!

புலியின் நிழலில் படுத்துறங்கும் வாழ்வும்

பிழியும் உளைச்சல் நெருடுகின்ற வாழ்வும்

துடிக்கவைத்து நாளும் துவளவைத்துப் பார்க்கும்!

தகிப்பில் கருகும் சருகு.

மதுரை பாபாராஜ்

வேட்டை இதழுக்கு வாழ்த்து

வேட்டை இதழுக்கு வாழ்த்து!

அகவைத்திருநாள்: 27.08.2022

ஆண்டுகள் 6/7

நாட்டுக்கும் நாளும் உலகுக்கும் தொண்டாற்றும்

வேட்டை இதழிங்கே ஆறாண்டு தாண்டியே

ஏழா வதாண்டில் பீடுநடை போடுகின்ற

கோலத்தைக் காண்கிறோம் நாம்.

பன்முக ஆற்றலை பல்வேறு ஆளுமைகளை்

கண்ணெதிரே கொண்டுவந்து பார்க்கவைக்கும் தொண்டினை 

நன்முறையில் செய்துவரும் வேட்டை இதழென்றும்

வண்டமிழ்போல் வாழ்கபல் லாண்டு.

சோதனையின் கொம்பொடித்துச் சாதனை முத்திரை

சாதிக்கும் வேட்டை தலைநிமிர்ந்தே வீறுநடை

போடுவதைக் காண்கிறோம் நாம்.

அன்பர் முகம்மது காலிட் குழுவினர்

பம்பரமாய்ச் சுற்றி உழைக்கின்ற உள்ளத்தால்

தொய்வின்றி வேட்டை இதழிங்கே நூறாண்டு

வல்லமை யோடுவரும் இங்கு.

மதுரை பாபாராஜ்

 

நண்பர் வீதி விடங்கன் அனுப்பியது

நண்பர் வீதி விடங்கன் அனுப்பியதற்குக் கவிதை வடிவம்:

நாம்யார் என்பதை ஆதார் குடும்பஅட்டை

வாக்காளர் அட்டை அடையாளம் காட்டலாம்!

நாமோ மனிதனென்று வாழ்வில்  நிரூபிக்க

நாம்காட்டும் அன்பே அடையாளம் என்றுணர்வோம்!

தூயமன அன்பினைக் காட்டு.

மதுரை பாபாராஜ்

 

நண்பர் எழில்புத்தன் சொல்லோவியம்

நண்பர் எழில் புத்தனின் சொல்லோவியம்!

உங்கள் இலக்குநோக்கி ஏதேனும் செய்வதற்கு

முன்வருதல் தப்பல்ல! சோம்பலைக் காட்டிலும்

ஏதேனும் செய்வது நல்லதுதான்! ஒவ்வொரு

சின்ன முயற்சிகள் செய்தால் இலக்கினை

நாமோ அடையலாம் பார்.

மதுரை பாபாராஜ்

 

நண்பர் எழில்புத்தன் சொல்லோவியம்

நண்பர் எழில்புத்தன் சொல்லோவியத்திற்குக் கவிதை!

கணித்திருக்கும் நேரத்தில் உங்கள் செயல்கள்

நடந்தாலும் நேரத்தின் மீதொரு கண்ணை

கவனமுடன் வைத்திருக்க வேண்டுமிங்கே! அந்தச்

செயலை முடிக்க இறுதிசெய்ய வாய்ப்பை

வழங்கும் நமக்கே உணர்.

மதுரை பாபாராஜ்

 

மாண்புமிகு முதல்வரின் அறவுரை

குருநானக் கல்லூரி விழாவில் 

மாணவ மாணவிகளுக்கு மாண்புமிகு முதலமைச்சர் மு.க.ஸ்டாலின் அறவுரை!

26.02.2022

தற்கொலை எண்ணங்கள் வேண்டாம்! தலைநிமிரும்

எண்ணங்கள் ஒன்றே வளரவேண்டும்! சோதனையை

என்றென்றும் சாதனையாய் மாற்றுகின்ற நேர்மறை

எண்ணங்கள் வாழ்க்கைக்கு வேர்.

மதுரை பாபாராஜ்

 

பட்டறிவு-- படிப்பறிவு

 பட்டறிவு! படிப்பறிவு!

அரிய கருத்துகளைப் போகிற போக்கில்

கிராமத்தில் பட்டறிவால் சொல்வார்கள் மக்கள்!

நகரத்தில் வாழ்வோர்  படிப்பறிவால் சொல்வார்!

படிப்பறிவை பட்டறிவைப் பார்.

மதுரை பாபாராஜ்

வீடு

 வீடு!

வீட்டில் இருக்க முடியாத சூழ்நிலைகள்

வாட்டி வதைத்தால் உளைச்சல்கள் கூத்தாடும்!

ஆட்டிப் படைக்கும் அமளிகள் இல்லறத்தில்!

நாற்றாய் வளரும் பருவத்துப் பிள்ளைகள்

ஏக்கத்தில் வாழ்ந்திருப்பார் சோர்ந்து.

மதுரை பாபாராஜ்

ஓவியர் இனியனுக்கு வாழ்த்து

ஓவியர் இனியனுக்கு வாழ்த்து!

உற்சாகம் கொண்ட சிறுவர்கள் ஓடியாடும்

அற்புதத்தை ஓவியமாய்ச்

சற்றும் உணர்ச்சி 

குறையாமல் சித்தரிக்கும் கைவண்ணம் கொண்ட

இனியனைப் பாராட்டி வாழ்த்து.

மதுரை பாபாராஜ்

 

நண்பர் எழில்புத்தன் சொல்லோவியம்

நண்பர் எழில்புத்தன் சொல்லோவியத்திற்குக் கவிதை!

கவலைப் படுவதை நாமிங்கே நாளும்

நியாயப் படுத்துகின்றோம்! காரணங்கள் கூறி

அலைகின்றோம்! திட்டமிடும் போது இயன்ற

வகையில் அனைத்துவிதத் தீர்வை முயல்வோம்!

கவலைப் படுவதோ கூடுத லான

உளைச்சலின் தாக்கத்தை நம்செயலில் ஏற்றும்!

உளைச்சல் தவிர்த்தே உழை.

மதுரை பாபாராஜ்

 

நீச்சல் வீரர்அவினாசுக்கு வாழ்த்து

Avinash secured Bronze in 400 relay in Nationals at Orissa.

நீச்சல் வீரர் அவினாசுக்கு வாழ்த்து!

வெண்கலம் வென்ற அவினாஷ் மகிழ்ச்சியுடன்

தங்கமும் வெல்வதற்கு வாழ்த்து.

மதுரை பாபாராஜ்

வசந்தா

 

நண்பர் எழில்புத்தன்

 நண்பர் எழில்புத்தன் சொல்லோவியத்திற்குக் கவிதை!

ஏதோ சிறிதளவு செய்ய முடியுமென்றால்

ஏதோ சிறிதளவும் செய்யமுடி யாதென்றால்

ஏன்கவலை கொள்ளவேண்டும் நாம்தான்? கருணையுடன்

தாண்டித்தான் செல்லலாமே நாம்.

மதுரை பாபாராஜ்

மருமகன் ரவி

மருமகன் ரவி அனுப்பிய ஆங்கிலச் சொல்லோவியம்!

மலையளவு எண்ணத்தைக் காட்டிலும்  இங்கே

கடுகளவே செய்யும் இரக்கச் செயலே

மதிப்புள்ள நற்செயலாம் சொல்.

மதுரை பாபாராஜ்

 

நண்பர் எழில்புத்தன்

நண்பர் எழில்புத்தன சொல்லோவியத்திற்குக் கவிதை!

அக்கறை மற்றும் கவலை இரண்டிற்கும்

உள்ளாடும் வேறுபாட்டை நாமோ உணரவேண்டும்!

அக்கறை வேடத்தில் வாழ்வின் கவலைகள்

சற்றுமில்லை என்றே உறுதிசெய்தல் நல்லது!

எப்போதும் இங்கே கவலையைத் தள்ளிவைத்தல்

நல்லதென்று  வாழ்வில் உணர்.

மதுரை பாபாராஜ்

 

டாக்டர் சி ரமேஷ் குவஹாத்தி

Dr C.Ramesh Guwahathi

தமிழாக்கம் கவிதையில்!

ஒன்றுமட்டும் என்னைத் தடுத்து நிறுத்தலாம்!

அந்தஒன்றோ என்னவென்றால் நான்தான்! உலகிலே

என்னைத் தடுப்பது யார்?

மதுரை பாபாராஜ்

 

நண்பர் பன்னீர் செல்வம்

நண்பர் பன்னீர் செல்வம் அனுப்பியதற்குக் கவிதை!

அன்பைக் காட்டு உறவினிலே

அற்புதம் நடக்கும் வாழ்வினிலே!

விட்டுக் கொடுப்பதில் முந்துங்கள்!

இனிமை யாக வாழுங்கள்!

பிரிவே எட்டாத் தொலைவுக்குப்

போய்விடும் இணைந்தே வாழுங்கள்!

இல்லறம் என்றும் இனிமைதான்!

நல்லறம் மணக்க வாழுங்கள்!

மதுரை பாபாராஜ்

 

நண்பர் எழில்புத்தன்

நண்பர் எழில்புத்தன் சொல்லோவியத்திற்குக் கவிதை!

ஒன்றைக் குறிவைக்கும் போது அதன்மேல்

உங்கள் கவனம் தெளிவாக உள்ளபோது

ஒவ்வொன்றும் சேகரிக்கப் பட்டு முழுவலிமை 

எல்லாம் எதிர்பார்த்த திக்கில் மிளிர்ந்திருக்கும்!

என்றும் கவனம் திறன்.

மதுரை பாபாராஜ்

 

கொரோனா விதிகளை மதிப்போம்

 கொரோனா விதிகளை மதிப்போம்!

கூட்டமாகக் கூடும் இடத்தில் கொரோனாவின்

தாக்கம் இருக்கலாம் என்றேதான் எச்சரித்தும்

காக்கும் முகக்கவசம் போடாமல் சுற்றுகின்றார்!

ஊக்கமுடன் எச்சரிக்கை ஏற்றால்தான் பாதுகாப்பு!

நேர்மறைச் சிந்தனையே காப்பு.

மதுரை பாபாராஜ்

புதிர்

புதிர்!

பிறந்த பொழுதில் கனவுகள் கோடி!

பிறந்து வளர்ந்த பொழுதிலே வாழ்க்கை

நிறைகள் குறைகள் ததும்பத் ததும்ப

நிகழ்வுக ளோடு பயணம் தொடர

உறவும் பகையும் உணர்ச்சியின் வேகம்

சிறைகளாய் மாறிட மாற்றங்கள் கோடி

முடிச்சுகள் போட கழற்றிக் கழற்றி

அவிழ்த்திடும் போது சிறகை விரிப்போம்!

தவிப்பில் இறப்பிலே மீளாத் துயில்தான்!

குவித்ததும் எங்கே? குவிந்ததும் எங்கே?

புவியிலே வாழ்க்கை புதிர்.

மதுரை பாபாராஜ்

 

சருகு

 இதுவே உண்மை!

விலையுயர்ந்த ஆடை அணிகலன்கள் எல்லாம்

அழகாய் அணிந்தேதான் வாழ்ந்தாலும் நோய்கள்

உருக்குலைக்கும் ஆட்டத்தை இங்கே தொடர்ந்தால்

சருகாகிச் சாய்வோம் சரிந்து.

மதுரை பாபாராஜ்

திருமதி உமாபாலு அனுப்பிய GIF

மகள் திருமதி. உமாபாலு அனுப்பிய நகரும்படம்!(GIF)

கோப்பைக் குளம்பி சிறுகோப்பை நிரப்பிட

ஊற்றி உறிஞ்சிக் குடிக்கும் அழகினைப்

பார்த்தேன் ரசித்தேன் மகிழ்ந்து.

மதுரை பாபாராஜ்

 

சமையலர் திருமதி உஷா

சமையலர் திருமதி உஷா அவர்களின் கைவண்ணம்!

விளக்குகள் நான்கு வரவேற்கும் கோலம்!

வளமுடன் வாழ்க! நலமுடன் வாழ்க!

வளர்தமிழ்போல் வாழ்கபல் லாண்டு.

மதுரை பாபாராஜ்

 

முனைவர் இராம்குமார்

முனைவர் இராம்குமாருக்கு வாழ்த்து!

13.07.22

உழைப்பால் உயர்ந்து படிப்பால் உயர்ந்தே

முனைவரென்னும் பட்டத்தைச் சாதித்து வென்ற

இராம்குமார் வாழ்க!

வளமுடன் வாழ்க!

அருந்தமிழ்போல் வாழ்கபல் லாண்டு.

மதுரை பாபாராஜ்

வசந்தா

 

நண்பர் எழில்புத்தன்

நண்பர் எழில்புத்தன் ஆங்கிலச் சொல்லோவியம

எந்தப் பணியையும் முன்கூட்டி செய்துவிட்டால்

அந்த நிறைவின் மகிழ்ச்சிக்கோ எல்லையில்லை!

எல்லாவற் றையுமே விஞ்சும் திருப்தியோ

அற்புதந்தான்  உள்ளத்தில் இங்கு.

மதுரை பாபாராஜ்

 

நண்பர் எழில்புத்தன் சொல்லோவியம்

நண்பர் எழில்புத்தன் சொல்லோவியத்திற்குக் கவிதை!

உங்களைப் பற்றிநாளும்  உங்களால் மட்டுந்தான்

நன்கறியக் கூடுமே! உங்கள் வலிமைகள்

என்னவென்றே நீங்கள் கணிக்கும் பொழுதிலே

உங்கள் பலவீனம் என்னவென்றும் பார்க்கவேண்டும்!

உங்களுக்கு யாரும் உதவ முடியாது!

உன்னையே நீயறிதல் மெய்.

மதுரை பாபாராஜ்

 

ஐயா துரைசாமி திருவாசகம்

ஐயா துரைசாமி திருவாசகம் அவர்கள் அனுப்பிய படம்!

கடலலைகள் மோதினாலும் பாறைகள் தாங்கி

அசையாமல் சந்திக்கும்! வாழ்க்கையில் துன்பம்

அலையலையாய் வந்தாலும் பாறைபோல் தாங்கிச்

சமாளிக்க வேண்டுமிங்கே நாம்.

மதுரை பாபாராஜ்

 

வருண் பயணம் 06.06.22

 வருண் பயணம்!

காரைக்குடி/ தஞ்சாவூர்

வருண் குட்டி வர்ராரு

பாட்டி

வசந்தாவோட வர்ராரு

தஞ்சாவூரு போனாரு

சுத்தி சுத்தி பாத்தாரு

காரைக்குடி போனாரு

உணவகந்தான் போனாரு

நடனந்தான் பாத்தாரு

படகுத் துறை போனாரு

கொண்டாட்டம் போட்டாரு

குதியாட்டம் போட்டாரு

நான்சி கீர்த்தனா வருணும் கிருத்திக்கும்

ஊரெல்லாம பாத்தாங்க எல்லோரும்

சென்னைக்கு வந்தாரு

வீட்டுக்குத்தான் வந்தாரு

பாபா தாத்தா

06.06.22

TO BE OR NOT TO BE?

 TO BE OR NOT TO BE?

இருப்பதா? இறப்பதா?

இருப்பதா? இல்லை இறப்பதா? என்ற

நெருடலே வாழ்வாக மாறி மனதை

உளைச்சல் நெருப்பிலே வாட்டி வதைத்துத்

துளைக்கிறதே வண்டாகத் தான்.

மதுரை பாபாராஜ்

திருமதி சுமதிஸ்ரீ அவர்கள் அனுப்பிய படம்

திருமதி சுமதிஸ்ரீ அவர்கள் அனுப்பிய படம்!

பறவை சிறகடித்து வானில் பறக்க

பறவையைப் பார்த்தன்று செய்த  விமானம்

சிறகை அசைக்காமல் வானில் பறக்க

இரண்டுவகைக் காட்சியைக் கண்டு மனதால்

ரசித்த சுமதி அவர்கள் படத்தை

எடுத்தே அனுப்பினார் இன்று.

மதுரை பாபாராஜ்

 

நண்பர் முருகேசன்

நண்பர் முருகேசன் மதுரை

பச்ச பசேலு வயலிருக்கு

தென்னை மரம் நின்னுருக்கு

மழமேகம் சூழ்ந்திருக்கு

தலப்பா கட்டிகிட்டு

தமிழய்யா நிக்குறாரு!

அருமையான காட்சியிது

அழகான காட்சியிது!

மதுரை பாபாராஜ்

 

நண்பர் எழில்புத்தன் சொல்லோவியம்

நண்பர் எழில்புத்தன் சொல்லோவியத்திற்குக் கவிதை!

பணிகள்  முடிந்த பிறகு மனமோ

வெறுமை நிலைதன்னை நாடியே நிற்கும்!

எடுபிடியாய் மாறி சரணடைதல் தீது!

அவைகளோ தேவையற்ற குப்பையைத் தேக்கி

கவனத்தை மாற்றிவிடும் காண்.

மதுரை பாபாராஜ்

 

நண்பர் எழில்புத்தன் சொல்லோவியம்

நண்பர் எழில்புத்தன் சொல்லோவியத்திற்குக் கவிதை!

ஒருசிக்கல் தன்னில் அடைபட்டுக் கொண்டால்

அடுத்துள்ள முன்னுரிமை செய்வதை யாரும்

தடுப்பதில்லை! நாளின் இறுதியில் நாமோ

முடித்தது எவ்வளவு என்பதே கேள்வி?

முடித்தல் செயலின் திறன்.

மதுரை பாபாராஜ்

 

விதிப்படி வாழ்க்கை

விதிப்படி வாழ்க்கை!

கொரோனா விதியைக் கடைப்பிடித்தால் நம்மைக்

கொரோனாதான் தாக்காமல் வாழலாம் என்றே

அரசிங்கே சொல்ல அனைவருக்கும் இங்கே

விதிப்படி வாழ்க்கை உணர்.

மதுரை பாபாராஜ்

 

பாலாஜிக்கு வாழ்த்து

அன்பர் பாலாஜிக்கு வாழ்த்து!

வெண்முட்டைக் குள்ளே கலைஞரின் ஓவியம்!

அன்பராம் பாலாஜி ஆற்றலைப் போற்றுகின்றேன்!

வண்டமிழ்போல் வாழ்க வளர்ந்து.

மதுரை பாபாராஜ்

 

நண்பர் எழில்புத்தன்

நண்பர் எழில்புத்தன் சொல்லோவியத்திற்குக் கவிதை!

மெய்ப்பொருளைத் தள்ளிக் கதைகளைக் கேட்பதற்குக் 

கற்கவேண்டாம் ! வாழ்க்கையின் உண்மையுடன் உண்மையில்

நம்மிடம் வாழ்ந்திருந்த முன்னோர்கள் பற்றித்தான்

கற்றுத் தெளிதல் சிறப்பு.

மதுரை பாபாராஜ்

 

பேரன்கள்

பேரன்கள்!

வருண் ஆதித்யா-நிக்கில் அபிசேக்--

 சுசாந்த் சிரிராம்

எங்கே இருந்தாலும் பேரன்கள் சுற்றியே

சிந்தனை சூழ்ந்திருக்கும்! எங்களுயிர் உள்ளவரை

கண்போலக் காத்திருப்போம்! நாளும் அரவணைப்போம்!

அன்பில் திளைப்போம் மகிழ்ந்து.

மதுரை பாபாராஜ்

 

நேர்மறைப் பண்பே உயர்வு

 நேர்மறைப் பண்பே உயர்வு!

நேர்மறைப் பண்பும் எதிர்மறைப் பண்புகளும்

சேர்ந்த கலவையே மக்கள் சமுதாயம்!

நாளும் பகுத்தறிந்து நேர்மறைப் பண்புகளை

ஆர்வமுடன் பின்பற்றி வாழ்ந்தால் உயர்வுண்டு!

நாளும்  எதிர்மறைப் பண்புகளைக்

கட்டவிழ்த்தால்

பாழாக்கிப் பார்த்திருக்கும் வாழ்வு.

மதுரை பாபாராஜ்

நண்பர் IG சேகர் அனுப்பிய படம்

நண்பர் IG சேகர் அனுப்பிய படத்திற்குக் கவிதை!

வெகுநாட்க ளாக வரவில்லை யேநீ!

அகங்குளிர்ந்தேன் உன்வரவைக் கண்டு!தான் இன்றிங்கே!

நண்பரின் நட்பில் திளைக்கின்றேன் நாள்தோறும்

நன்றி! வணக்கம்! அளித்து.

மதுரை பாபாராஜ்

 

நண்பர் எழில்புத்தன்சொல்லோவியம.

நண்பர் எழில்புத்தன் சொல்லோவியத்திற்குக் கவிதை!

அனைத்துக்கும் நேரம் இருக்கிற தென்றே

அனைவரும் சொல்வார்கள்! ஆனால் இதுவோ

முயற்சிசெய்து நேரத்தில் வேலையைச் செய்யத்

தடையாய் இருக்காது! வெற்றி அடைவோம்!

முயற்சி முதலீடே! சொல்.

மதுரை பாபாராஜ்

 

நண்பர் எழில்புத்தன் சொல்லோவியம்

நண்பர் எழில்புத்தன் சொல்லோவியத்திற்குக் கவிதை:

நீங்கள் பொறுப்பெடுத்துக் கொள்ளும் பொழுதிலே

உங்களை நீங்கள் முழுமையாய் ஆய்வுசெய்யும்

நல்வாய்ப்பு உண்டு! புரிந்துகொள்க ஆற்றலை!

வல்லமை கொண்டே செயலை நிறைவேற்ற

பல்வழிகள் தோன்றும் உணர்.

மதுரை பாபாராஜ்

 

நீச்சல் வீரர்அவினாஷ்

நீச்சல் வீரர் அவினாசுக்கு வாழ்த்து!

தங்கப் பதக்கமும் வெள்ளிப் பதக்கமும்

வெண்கலத்தில் வெற்றிப் பதக்கங்கள்

வென்றவீரர்

அன்பு அவினாசின் ஆற்றல் வளர்கவே!

வண்டமிழ்போல் வாழ்கபல் லாண்டு.

மதுரை பாபாராஜ்