Shed the Anger

 

அகநக நட்பது என்று

 

வருணுடைய பூனை

 நாற்காலியில் வருணுடைய பூனை!

வருணுடைய பூனை அழகாய் அமர்ந்தே

வளைவாக நாற்காலி தன்னிலே பார்க்க

கலையார்வம் கொண்டே படம்பிடித்தேன் நானும்!

மலைப்புடன் பார்ப்பதைப் பார்.

மதுரை பாபாராஜ்

நண்பர் எழில்புத்தன்

 நண்பர் எழில்புத்தன் அனுப்பியதற்குக் கவிதை!

அர்த்தமுடன் மற்றும் அனுபவிக்க இல்லாத
இவ்வுலக வாழ்க்கையில் என்ன பயனிருக்கு?
இங்கே மகிழ்ச்சியாக மற்றும்நல் அர்த்தமுடன்
இவ்வுலகில் வாழ்வதற்கு ஆயிரம் ஆயிரம்
நல்வழிகள் உண்டென் றுணர்.

மதுரை பாபாராஜ்

பயிலரங்கம் வாழ்த்து

 பயிலரங்கம் வாழ்த்து!

திருக்குறளும் கல்விநெறிச் சிந்தனையும் என்ற
இரண்டுநாள் கற்கும் பயிலரங்கம்! நல்ல
உரையாளர் பேசுகின்றார் செந்தமிழில்! வாழ்க!
வளர்தமிழ்போல் வாழ்கபல் லாண்டு.

மதுரை பாபாராஜ்

கவலைகள் தொடர்ந்தால்

 

மதுரையில்

மதுரையில் எங்கள் குடும்பம்!

முத்துசுப்பு தேவகி இணையருக்கு

பிள்ளைகளாய்

அக்காலம்  ஐந்தில் சிறுமியாய்க் கல்யாணி 

இத்தரணி விட்டே மறைந்தாளாம்!

நான்காக

பிள்ளைகள் வாழ்ந்தோம் வளர்ந்து.

மதுரைமில் பென்னர் நிறுவனத்தில் வேலை!

நடுத்தரமான வாழ்க்கை! எளிமையாய் வாழ்ந்தோம்!

படித்தோம் வளர்ந்தோம் படிப்படி யாக!

விரிந்தது ஆல்போல் படர்ந்து.

இலக்குமி பாபாராஜ் ராஜபாக்யம்

மற்றும்

கடைக்குட்டி யாக கஜராஜாய் நால்வர்

நடைபோட்டுப்  பக்குவ மாக வளர்ந்தோம்!

கடமைகள் செய்துவிட்டார் பெற்றோர் உவந்து.

பருவத்தில் இல்லறமே சான்று.

அந்தந்தக் காலம் விளையாட்டு என்றேதான்

சென்றன! கூடித்தான் பேசிக் கலந்தாலும்

ஒன்றாக வாழ்ந்தோம்! தனியறைகள் இல்லையன்று!

அங்கங்கே உட்கார்ந்து பேசிப் படித்திருந்தோம்!

ஒன்றாய் மகிழ்ந்திருந்த வாழ்வு.

தந்தையும் தாயும் உலகைவிட்டுச் சென்றனர்!

எங்கள் சிறகுகள் எங்களது வாழ்க்கையென்று

இன்று பயணங்கள் வெவ்வேறு திக்குகளில்!

பண்பட்டும் புண்பட்டும் வாழ்கிறோம் இன்றிங்கே!

அன்றாடம் எண்ணுவதே வாழ்வு.

மதுரை பாபாராஜ்

நானறிந்தது சகாயமாதா தெரு. இரு வீடு ஒரு வீடாய் அமைந்து, தேடி வருவோருக்கெல்லாம் அன்னமிட்டு மகிழ்ந்த வீடு. ஞாயிறு வந்தாலே கொண்டாட்டம் தான். நட்பு வட்டாரம் பெரிதாகக் கொண்ட அம்மான்களைப் பார்த்து தான் இன்று வரை எம்மைச் சுற்றிலும் நண்பர் கூட்டம். தேடி வரும் பிரச்சனைகளை அமைதியாக எதிர்கொண்டு வெற்றி பெறும் மனப்பாங்கு - பெரிய மாமா. தேனீ போல் சுறுசுறுப்பாய் இன்று வரை உலகம் சுற்றும் வாலிபனாய் வலம் வரும் - இளைய மாமா. வழிகாட்டிகளாய் .... உயர்கின்றோம் நாங்களும் அடியொற்றி ...

மகிழ்வு தரும் நினைவுகளே என்றென்றும். வருமோ அக்காலம் மீண்டும். சென்றிருந்தேன் அங்கேதான் (சகாய மாதா தெரு) சென்ற வாரம். நின்றிருந்தேன் சிறு நேரம் அங்கே தான். மாறவில்லை வாழ்ந்திருந்த வீட்டின் அடையாளம். அசை போட்டேன் அந்த இல்லத்தின் நினைவுகளை ...

அன்பான சுற்றம்தான் அவிழ்த்து விட்ட நெல்லி மூட்டையாய் சிதறி நிற்கிறது ஏற்றுக்கொண்ட பணிகளின் (பணத் தேவைகளின்) நிமித்தமாய். சந்திப்பதே அரிதாகிறது இக்காலத்தில். இணைப்பது இந்த செல்லிடப்பேசி தான். என்னே காலத்தின் கோலம்.

சரவணன் திண்டுக்கல்

நண்பர் எழில்புத்தன்

 நண்பர் எழில்புத்தன் அனுப்பியதற்குக் கவிதை!

மனதின் சமநிலை முக்கியம்! அந்த
மனநிலையே நாள்தோறும் ஒவ்வொன்றுக் கும்தான்
திறவுகோல்! மேலும் வளர்ச்சிக் குதவும்!
நமது மனதிலே தோன்றும் நினைவு
வழிநடத்தல் மற்றும் உணர்வதே இந்த
மனநிலையில் தோன்றும் உணர்.

மதுரை பாபாராஜ்

கல்வி

 

நண்பர் பழனிவேல்

நண்பர் பழனிவேல் (C2)அனுப்பிய படத்திற்குக் கவிதை!

வாரத் தொடக்கம் சிறப்பாக இந்தவாரம்

வாழ்வதற்கு வாழ்த்துகின்ற உங்களது நட்பினை

வாழ்த்தி வணங்குகிறேன் இன்று.

மதுரை பாபாராஜ்

உட்பகையின் தூது

 இப்படி எப்படி எழுத முடிகிறது கவிதை.அப்படி என்ன செப்படி வித்தை தங்களிடமுள்ளது.எப்படிப் பார்த்தாலும் தங்கள் கவிதை எப்போதும் மிகவும் உருப்படி...தென்.கி.

வசந்தா பாபாராஜ்

 

முள்மேல் சேலை!

 முள்மேல் விழுந்த சேலை!

முள்மேல் விழுந்துவிட்ட  பட்டிழைச் சேலையை

மெள்ள எடுக்கவேண்டும்! முள்குத்தக் கூடாது!

எள்ளளவும் சேலை கிழியவும் கூடாது!

இல்லறச் சிக்கலைத் தீர்ப்பதும் இப்படித்தான்!

எப்படியும் தீர்ந்துவிடும் நம்பு.

மதுரை பாபாராஜ்

நீதான் தீர்க்கவேண்டும்!

 நீதான்தீர்க்கவேண்டும்!

எத்தகைய சிக்கல்கள் வாழ்விலே வந்தாலும்

அத்தனைச் சிக்கலையும் சந்தித்தே வாழவேண்டும்!

எப்படிப் பட்ட முடிச்சு விழுந்தாலும்

எப்படியோ நீதான் அவிழ்க்கவேண்டும்! யாரிங்கே

உன்கூட நிற்பார்? உரை.

மதுரை பாபாராஜ்

R S சுசாந்த் ஸ்ரீராம் பிறந்தநாள்

 

நண்பர் முரளி

 நண்பர் முரளிஅனுப்பிய படத்திற்கு வாழ்த்து!

குடுவைக் குளம்பியைக் கோப்பைகள் தன்னில்

நறுமணம் ஊற்றெடுக்க கொஞ்சமாய் ஊற்றிப்

பருகும் வசதியைப் பாராய்! வணக்கம்

அருமைப் படமாகத் தூதுவிட்ட நட்பை

அருந்தமிழால் வாழ்த்துகிறேன் இன்று.

மதுரை பாபாராஜ்

திருக்குறள் தூயர் ஆசி

 

CR FAREWELL

 5 YEARS BACK

நண்பர் அன்வர் பாட்சா

 மடைதிறந்த வெள்ளம்போல் பேச்சு! படிப்பின்

நடைமுறை சொன்ன அறம்.

மதுரை பாபாராஜ்

சோதனையின் கொம்பொடித்துச் சாதித்த அன்வரை
சாதனை நாயகரை வாழ்த்து.

மதுரை பாபாராஜ்

தங்களின் மேலான அன்பு நான் பெற்ற பெரும் பேறு... எல்லாப் புகழும் இறைவனுக்கே உரியது...!!🙏🙏❤️🤝 நன்றி வெண் "பா" பெருமானே...!!

அன்வர் பாட்சா

நண்பர் மொகலீஸ்வரன்

 நண்பர் மொகலீஸ்வரன் அனுப்பிய படத்திற்குக் கவிதை!

குடைக் குறள்!

மழைப்பருவம் வந்தால் குடைதான்   உதவும்!
மழைத்துளி வீழும் தெறித்து.

மதுரை பாபாராஜ்

சதுரங்க ஆட்ட சாம்பியன் குகேஷ் அவர்களுக்கு வாழ்த்து

 சதுரங்க ஆட்ட உலக சாம்பியன் குகேஷை வாழ்த்துகிறோம்!

சதுரங்க ஆட்டத்தில் சாதித்த வீரர்!

குகேஷின் உலக அளவிலே வெற்றி

மகத்தான வெற்றியை வாழ்த்துகிறோம் சூழ்ந்து!

தமிழ்நாட்டைச் சார்ந்தவர்! இந்திய நாடே

நமிர்ந்தேதான்  நிற்கவைத்தார் வாழ்த்து.

மதுரை பாபாராஜ்

சிலர் பலராவது என்று?

 

வேதனை

 வேதனை!

பட்டதும் போதும்! படுவதும் போதுமே!

எப்படிப் பார்த்தாலும் ஏனிந்த வாழ்க்கையோ!

என்றேதான் நெஞ்சம் பதறித் துடிக்கிறது!

புண்பட்டேன் வேதனையில் நொந்து.

மதுரை பாபாராஜ்

முன்னுரிமை மாற்றம்

 

என்செய்வேன்? பேசாமல்!

 

திருக்குறள் தூயர்

 மிக நீண்ட காலமாக திருக்குறள் ஒன்றையே உயிர் மூச்சாகக்கொண்டு
ஆய்வு செய்துவரும் மோகனராசு அவர்கள் திருக்குறளுக்கும் இராசுதான்..தென்.கி.

குறள்நெறிக் குரிசில் சி.ஆர்.

 

தும்பைவிட்டு வால்பிடிக்க வேண்டாம்.

 

நண்பர் எழில்புத்தன்

 

பாரதீயை வணங்குவோம்

 

இந்தியாவில் இப்படி ஏன்

 

Fenner friends meet

 பென்னர் நண்பர்கள் மகிழ்ச்சித் திருவிழா!

நாள்: 08.12.24

அனைத்தும் அருமை.

பென்னரில் சேர்ந்தபோது தோற்றங்கள் வேறுதான்!

இன்றுகாணும் தோற்றங்கள் மாற்றமுடன் வேறுதான்!

அன்பான நட்புடன் கூடி மகிழ்ந்தநாள்

நெஞ்சில் நிலைக்கும் உணர்.

மதுரை பாபாராஜ்

நண்பர் மாரிசாமி

 நண்பர் மாரிசாமி அனுப்பிய படத்திற்குக் கவிதை!

குடிப்பதற்கு இங்கே குளம்பி! அருகில்

படிப்பதற்குப் புத்தகம் உண்டு! எழுதி

முடிப்பதற்கோ ஏடிருக்க பார்ப்பதற்கோ கைபேசி

யாவும் இருப்பதைப் பார்.

மதுரை பாபாராஜ்

நண்பர் எழில்புத்தன்

 நண்பர் எழில்புத்தன் அனுப்பியதற்குக் கவிதை!

எந்தவொரு தீர்மானந் தன்னை எடுக்குமுன்பு
உங்கள் மனதை அமைதியாக்க கற்கவும்!
நீங்கள் அமைதியாக இல்லாத நேரத்தில்
உங்கள் முடிவு சிறந்து விளங்காது!
அந்த முடிவில் தெளிவே இருக்காது!
என்றும் அமைதியே நன்று.

மதுரை பாபாராஜ்

மாப்புறணி பேசுவோரைத் தவிர்

 

பேசாதே

 

CR அனுப்பிய படம்

 குறள்குரிசில் CR அனுப்பிய படத்திற்குக் கவிதை!

காந்தி ஆசிரமம்! திருச்செங் கோடு! ராஜாஜி தங்கிய பெருமை கொண்டது!

வாழ்க்கை வசதி எளிமையாய் உள்ளவை!

காந்தி பெயரிலே ஆசிரமம்! ராஜாஜி

ஆசிரமந் தன்னிலே தங்கிய நாள்களோ

நேசமுடன் இங்கே வரலாறாய் ஆனதே!

வேடமற்ற வாழ்வை வணங்கு.

ஓட்டுவீடு முன்னால் சிமெண்ட்டாலே பெஞ்சுவைத்தார்!

வீட்டுக் கெதிரில் துளசிமாடம் ஆகாகா!

வீட்டையே சுற்றி மரநிழல் அட்டகாசம்!

காட்சி நகரிலுண்டோ? சொல்.

மதுரை பாபாராஜ்

FENNER FRIENDS MEET 2024

 FENNER FRIENDS MEET 2024

AT HOTEL GERMANUS DAYS INN- KALAVASAL-- MADURAI

08.12.24

ஏற்பாடு செய்யும் குழுவினருக்கு வாழ்த்துகள்!

பென்னரின் நண்பர்கள் சூழ்ந்தே மகிழ்கின்றார்!

நன்றாய் ரசிக்கின்றேன்! என்னுடல் சென்னையிலே

என்மனம் பென்னரின்  நண்பர்கள் சந்திப்பில்

ஒன்றித் திளைக்கிறது பார்.

மதுரை பாபாராஜ்

நிம்மதி போய்விடும்

 

திருந்தினால் வாழ்வு

 

தலைமுறை இடைவெளி

 

யாரை நோவது?

 

சொன்னா கேளுங்க

 

கவிஞர் பொற்கை

 பொற்கை! தலைநகரில்  சந்தமழைக் கவிதை!

டில்லி தமிழ்ச்சங்கத்தில் !

கம்பனிடம் சந்தக் கவிதையால் கேள்விகளால்

வம்பிழுத்தார் பொற்கைதான்!  வாழ்த்துகிறேன் அன்புடனே!

கம்பன் விருத்தப்பா வேந்தனென்றால் பொற்கையோ

சந்தப்பா வேந்தனென்பேன்! வாழியவே பாண்டியன்!

நன்றப்பா உன்கவிதை தான்.

மதுரை பாபாராஜ்

ஆணவம் அவமானம்

 

அந்தப் பருவமே வா!

 

முடிந்ததைச் செய்வோம்

 நன்றி 

தூரிகை செய்ய முடியாத ஒன்றையோ

ஆர்வமுடன் வண்ணத்தில் தந்துவக்கும் நண்பருக்கு

பாவாலே நன்றிதந்தேன் இன்று.

மதுரை பாபாராஜ்

சாதனைக்கு வித்து

 முயற்சியின்றி பாட்டெழுதும் பாபா அவர்கள்

உயர்ந்துவாழ்க பல்நலத் தோடு.

தென்.கி.