நண்பர் IG சேகர் பிறந்தநாள் வாழ்த்து

 பண்பாளர் மேனாள் IG திரு சந்திரசேகர் அவர்களுக்குப் பிறந்தநாள் வாழ்த்து.

01.09.20

அன்பும் அறனும் உடைத்தாயின் இல்வாழ்க்கை

பண்பும் பயனும் அதுஎன்றார் வள்ளுவர்!

இந்தக் குறளுக்குச் சான்றாக இல்லறத்தில்

நன்னெறி போற்றுகின்றார் நண்பர்! மனைவியும் 

பின்னணியில்  உள்ளார் மகிழ்கின்றோம் வாழ்த்துகின்றோம்!

வண்டமிழ்போல் வாழ்கபல் லாண்டு.

மதுரை பாபாராஜ்

வசந்தா

நண்பர் ராஜேந்திர பாபு

 வணக்கம்.

மலர்கள் மயில்கள் இயற்கையின் சூழல்

புலர்காலை நேர வணக்கம் அழகாய்

உளங்கவர பார்த்தேன்! ரசித்தேன்! அருமை!

வளர்கின்ற நட்பினை வாழ்த்து.

மதுரை பாபாராஜ்

மருமகன் ரவிக்கு வணக்கம்

 விலையுயர்ந்த தண்ணீர் திரவமே கண்ணீர்!

ஒருவிழுக் காடு திரவமும் மீதம் 

பெருகும் உணர்ச்சி

கலந்தது! நீங்கள்

செருக்குடன் புண்படுத்த

எண்ணுதற்கு முன்பு

இருமுறை சிந்தித்தல் நன்று.

மதுரை பாபாராஜ்

ஊரடங்கு தளர்வுகள் எச்சரிக்கை

 ஊரடங்கில் தளர்வு! எச்சரிக்கை!

தளர்வுகள் வந்ததென்று கண்டபடி போகும்

நிலையெடுத்தால் தொற்றுக்கே உள்ளாவோம்! மக்கள்

முகக்கவசம் போட்டு வெளியே செல்க!

இடைவெளி தன்னைக் கடைப்பிடிக்க வேண்டும்!

கைகளைச் சுத்தமாக வைப்பது நன்று!

அரசின் நெறிகளைப் பின்பற்றி வாழ்ந்தால்

கொரோனா தவிர்க்கலாம் கூறு.

மதுரை பாபாராஜ்

திருமதி பத்மா பிரபாகர் பிறந்தநாள் வாழ்த்து

 திருமதி பத்மா பிரபாகரன் பிறந்தநாள் வாழ்த்து

30.08.20

பெற்றொரின் மாமனார் மாமியாரின் ஆசியுடன்

சுற்றத்தார் அன்புக் கணவர் குழந்தைகள்

எல்லோரும் வாழ்த்திசைக்க  இல்லற மாண்புகளில்

நல்லறம் காத்தேதான் வாழ்வாங்கு வாழ்கவே!

பல்வளங்கள் பெற்றேதான் பல்லாண்டு வாழ்கவே!

தெள்ளுதமிழ் போல்வாழ்க நீடு.

மதுரை பாபாராஜ்

வசந்தா 

குடும்பத்தார்

பாலாவின் சங்கச்் சுரங்கம்

 பாலாவின் 

சங்கச் சுரங்கம்

இணையப்பத்து இரண்டாம் பத்து:

கலம் சுடும் புகை

29.08.20

கலித்தொகை பாடல் வரிகளைக் கொண்டு

வழங்குகிறார் சங்கச் சுரங்கம் இரண்டாம்

உரையின் தொடக்கமாய் பாலா மொழியில்!

முழங்குகின்ற பாலாவை வாழ்த்து.

கலங்களின் பின்னணியை முன்னெடுத்துச் சொன்ன

வளமான சங்க இலக்கியப் பேச்சு

உளங்களை ஈர்த்து உரையுலாவில் ஒன்றி

மலைக்கவைத்த பாங்கினை வாழ்த்து.

எங்கெங்கே அந்தக் குயவரை எப்படி

அன்று சமுதாயம் பார்த்தது பார்வையில்

என்றே நடுநிலை யோடு உரைத்ததைக்

கண்ணெதிரே பார்த்தோம் உணர்ந்து.

கழுதை விலங்கினத்தின் பங்களிப்பு வாழ்வில்

இருந்ததைச் சான்றுடன் கொண்டுவந்து தந்தார்!

வரலாற்றை எண்ணி வியக்கின்றோம்! சங்க

இலக்கிய வாசிப்பை வாழ்த்து.

சுரங்கத்தில் இருந்து அரங்கத்திற்கு

புறநானூறு பாடல் 32

சோழன் நலங்கிள்ளி வாரி வழங்கிய

காலக் கொடைமடத்தைக் கூறுகின்ற பாடலை

மேற்கோளாய் வைத்து விளக்கினார் அற்புதமாய்!

ஈடற்ற பாலாவை வாழ்த்து.

மதுரை பாபாராஜ்

நண்பர் IG சேகருக்கு வணக்கம்

 அனைவருக்கும் வணக்கம்

மழைத்துளிக் காகநீ ஏங்குகின் றாயோ!

இரைதருவாள் தாயென்றே  ஏங்குகின் றாயோ!

புலர்காலை நேர வணக்கத்தைக் கூறும்

அழகினை நன்றியுடன் வாழ்த்து.

மதுரை பாபாராஜ்

மருமகன் ரவிக்கு வாழ்த்து

 மனநிலை மற்றும் மகிழ்ச்சியை உங்கள்

அளவற்ற கற்பனைப் பாழாக்கும்! உண்மை

நிலைதன்னைக் காட்டிலும் மோசமாய்க் காட்டும்!

இழுத்தேதான் உள்வாங்கி மூச்சை வெளியே

அனுப்பித்தான் நம்பிக்கை கொள்ளுங்கள்! என்ன

நடக்கும்? அதுநடக்கும் இங்கு.

மதுரை பாபாராஜ்

வள்ளுவன் கூற்று

 வள்ளுவன் கூற்று!

குழலினிது யாழினிது என்பதம் மக்கள்

மழலைச்சொல் கேளா தவரென்றார் அய்யன்!

இசைமேடைக் கச்சேரிக் கெல்லாம் தடைதான்!

அடைந்துள்ளார் வீட்டிலே எல்லோரும் இங்கே!

மழலைச்சொல் நீக்கமற கேட்கிறதே நாளும்!

தழைக்கிறதே வள்ளுவனின் கூற்று.

மதுரை பாபாராஜ்

நண்பர் IG சேகருக்கு நன்றி

 அனைவருக்கும் வணக்கம்

என்றும் குழந்தைக்குப் பாதுகாப்பு பெற்றோர்தான்

என்றே உணர்த்தும் பறவை இணையரே!

அன்பிற்கும் உண்டோ அடைக்கின்ற தாழென்ற

வண்டமிழ் வள்ளுவமே மெய்.

மதுரை பாபாராஜ்

கூண்டைத் திறந்ததும் விலங்குகள்

 கூண்டைத் திறந்தால் விலங்குகள் ஓடுகின்ற

வேகத்தைப் பார்த்தேன்!

வீட்டில் அடைபட்டு

நாமுந்தான் வாழ்கின்றோம்!

ஊரடங்கை நீக்கினால் 

மாந்தரும் இப்படித்தான்

கட்டவிழ்த்தால் போதுமென்றே

ஓடிப் பறந்திடுவார் இங்கு.

மதுரை பாபாராஜ்

குறள் 319

 குறள் 319

பிறர்க்கின்னா முற்பகல் செய்யின் தமக்குஇன்னா

பிற்பகல் தாமே வரும்.

ஏமாற்றி வாழலாம் ஏமாந்தும் போகலாம்!

ஏமாற்றி வாழ்வோர் உயர்வெல்லாம் தாழ்வாகும்!

ஏமாந்தோர் தாழ்வோ உயர்வாகும்! இவ்வுலகில்  

ஏமாற்றிக் கொக்கரித்தோர் கண்ணிமைக்கும் நேரத்தில்

ஏமாந்தே வாழ்விழப்பார் சொல்.

மதுரை பாபாராஜ்

வருண் வரைந்த ஓவியம்

 வண்ண வண்ண ஓவியம்

வருண் வரைந்த ஓவியம்

கண்ணைக் கவரும் ஓவியம்

கலைநயம் சிந்தும் ஓவியம்

அருமை யான

ஓவியம்

அழகான ஓவியம்.

பாபா தாத்தா

வசந்தா அவ்வா

காயத்ரி பிரசாத் பிறந்தநாள் வாழ்த்து

பேரன் காயத்ரி பிரசாத்துக்குப் பிறந்தநாள் வாழ்த்து.!

28.08.20

குறள்நெறி போற்றி குவலயம் மெச்ச 

சிறப்புடன் வாழ்கபல் லாண்டு! தொழிலில்

திறமை வளர்ந்து வளம்பல பெற்று

அகங்குளிர வாழ்கபல் லாண்டு.

பெற்றோரின் ஆசியுடன் தம்பி குடும்பத்தார்

உற்றார் உறவினர்கள் வாழ்த்திசைக்க

வாழியவே!

எப்போதும்  இன்பம் செழித்திருக்க வாழியவே!

நற்றமிழ்போல் வாழ்கபல் லாண்டு.

வாழ்த்தும் இதயங்கள்

பாபா தாத்தா

வசந்தா அவ்வா

குடும்பத்தார்

 

ஜேம்ஸ் ஸ்டீபன் இணையருக்கு மணநாள் வாழ்த்து

 பண்பாளர்கள் ஜேம்ஸ் ஸ்டீபன் இணையருக்கு மணநாள் வாழ்த்து.

28.08.20

36 ஆவது மணநாள்

வள்ளுவத்தின் இல்லறத்தை வாழ்வியலாய் மாற்றித்தான்

நல்ல குடும்பமே பல்கலைக் கூடமென்றே

எல்லோரும் வாழ்த்திசைக்கும் வாழ்க்கை மணக்கிறது!

பிள்ளைகள் பேரக் குழத்தைகள் சூழ்ந்திருக்க

பல்லாண்டு வாழ்க மகிழ்ந்து.

மதுரை பாபாராஜ்

வசந்தா 

குடும்பத்தார்

நண்பர் IG சேகருக்கு நன்றி

 அனைவருக்கும் வணக்கம்.

நண்பர் சேகருக்கு நன்றி.

நீள்மூக்கு கொண்ட அழகுப் பறவையே!

காலை வணக்கத்தைக் கொண்டுவந்து நிற்கின்றாய்!

மாசற்ற நண்பரின்  நட்பினை வாழ்த்துகிறேன்!

நீசென்று நன்றியைச் சொல்.

மதுரை பாபாராஜ்

மண்குன்றில் குட்டியானை

 மண்குன்றில் குட்டியானை தன்னை மறந்தேதான்

அங்குமிங்கும் துள்ளி நடக்கிறதே இன்பமாக!

என்ன குதூகலம் உற்சாகம் உள்ளத்தில்!

சின்னயானை ஆட்டத்தைப் பார்.

மதுரை பாபாராஜ்

நண்பர் IG சேகர் அனுப்பிய படம்

 சிறகற்ற எங்கள் பறவை!

சிறகிருந்தும்  எல்லைக்குள் தானே பறப்பாய்?

சிறகின்றி எங்கள் வதந்திப் பறவை

கடந்துவிடும் மண்ணகத்தை விண்ணகத்தைத் தாண்டி!

முடியுமா உன்னால்? விளம்பு.

மதுரை பாபாராஜ்

திருமதி ஜோதி ராஜ்குமார்

 திருமதி ஜோதி ராஜ்குமார் பிறந்தநாள் வாழ்த்து

26.08.20

நல்ல குடும்பமே பல்கலைக் கூடமென்பார்!

பல்வளங்கள் பெற்றே கணவன் மகனுடன்

வள்ளுவத்தின் நல்லறத்தை இல்லறத்தில் போற்றித்தான்

தெள்ளுதமிழ் போல்வாழ்க நீடு.

மதுரை பாபாராஜ்

வசந்தா

குடும்பத்தார்

நண்பர் IG சேகர் அனுப்பியபடம்

 ஒற்றுமை யோடிங்கே உட்கார்ந் திருக்கின்ற

பச்சைக் கிளிகளே! காலை வணக்கத்தை

அக்கறையாய்ச் சொல்கின்ற அன்பையும் நட்பையும்

நற்றமிழால் வாழ்த்தி வணங்கு.

மதுரை பாபாராஜ்

கவிஞர் கமலுக்கு கண்ணீர் அஞ்சலி

 கவிஞர் கமலுக்கு கண்ணீர் அஞ்சலி!

25.08.20

சந்தக் கவிதை பொழிந்த கவிஞரே!

இந்த நிலைவரும் என்றே நினைக்கவில்லை!

என்ன அவசரமோ மீளாத் துயில்கொண்டீர்?

கண்ணீருக் குண்டோ அடைக்கின்ற தாழிங்கே?

சந்தங்கள் உங்கள் புகழ்பாடும் என்றென்றும்!

பண்பகமே என்றுகாண்போம் சொல்?

மதுரை பாபாராஜ்

வேந்தர் கவியரங்கம்

 வேந்தர் கவியரங்கம்!

24.08.20

வேந்தர் பிறந்தநாள் வாழ்த்துக் கவியரங்கில்

வேந்தரின் சாதனை ஆற்றலைப் போற்றினர்!

வேந்தர் கவியரங்க மேடைத் தலைவரோ

ஊன்றி கவனித்தே வாழ்த்தி மகிழ்ந்திருந்தார்!

தேன்தமிழ்ப் பாவலர்க்கு வாழ்த்து.

தமிழ்முல்லைப் பாக்களால் வாழ்த்தி மகிழ்ந்தார்!

அணியணியாய் வேந்தரின் சாதனை தன்னைத்

தனித்தமிழில் பாச்சரமாய் ஆக்கித் தொடுத்தார்!

கனித்தமிழ்போல் வாழ்க வளர்ந்து.

மதுரை பாபாராஜ்

புதிய தலைமுறைக்கு வாழ்த்துகள்

புதிய தலைமுறைக்கு வாழ்த்துகள்!

24.08.2020

புதிய தலைமுறை ஊடகத்தின் தொண்டு

புதிய தடத்தில் நிமிர்ந்து பதித்து

புதுப்புது உத்திகள் நாளும் மிளிர

புதுநடை போடுவதை வாழ்த்து.

பத்தாண்டு சேவை மகத்தான சாதனை

முத்திரை ஏந்தி புதிய தலைமுறை

எக்காலும் வாழ்க ரசிகர்கள் போற்றவே!

நற்றமிழ்போல் வாழ்கபல் லாண்டு.

மதுரை பாபாராஜ்

வசந்தா

9003260981

 

நம்பிக்கையே வாழ்க்கை

 அனைவருக்கும் வணக்கம்!

நண்பர் IG சேகர் அனுப்பிய படம்

சிறகை உயர்த்தியே விண்ணை அளக்கப்

புறப்படப் போகும்  கழுகே! உலகில்

முடக்கம் களைந்து கொரோனாவை வென்று

நடப்போம் நிமிர்ந்து மகிழ்ந்து.

மதுரை பாபாராஜ்

பாலாவின் சங்கச் சுரங்கம்

 பாலாவின் சங்கச் சுரங்கம்

இணையப்பத்து

இரண்டாம் பத்து வாழ்த்து.

22.08.20

கலித்தொகை பாடல் வரிகளைக் கொண்டு

வழங்குகிறார் சங்கச் சுரங்கம் இரண்டாம்

உரையின் தொடக்கமாய் பாலா மொழியில்!

முழங்குகின்ற பாலாவை வாழ்த்து.

தொல்காப் பியத்தின் விளக்கம் பயன்படுத்தும்

சொல்முதலாய்ச் சொல்லித்தான் சங்க இலக்கியச்

செய்திச் சுரங்கத்தில் சென்று பயணித்துச்

சொல்லிய பாலா அணுகுமுறை அற்புதமே!

வல்லமை கொண்டவரை வாழ்த்து.

சான்றுகளை பாலா குறள்களுடன் ஒப்பிட்ட

பாங்கிலே மெய்மறந்தேன் ஆற்றலை எண்ணித்தான்!

ஆங்காங்கே சான்றுகளை அள்ளி எடுத்தேதான்

தேன்கனிகள் தந்தவரை வாழ்த்து.

பகடைக்காய் சொல்லும் இலக்கியச் செய்தி

புறவாழ்வில் மக்களோ அன்றிருந்து இன்றும்

நடைமுறை யாகத்தான் மேற்கொண்ட

ஆட்டம்

இதுவென்றார் வாழ்கபல் லாண்டு.

மதுரை பாபாராஜ்

விஎன்சிடி ஆசிகள்

 விஎன்சிடி ஆசிகள் வெற்றியைத் தரும்!

விருந்தோம்பல் என்றால் சிதம்பரம் என்ற

பெருமைக் குரியவர் அய்யாதான்! அந்த

அருளாளர் ஆசியுடன் 

இந்த முயற்சி

திருவினை யாக்கும் உணர்.

கலவைக் கரண்டி இலச்சினை யாக

உழைப்பால் உயரும்

உயரிய கொள்கை

மலர்வதைச் சொல்லும் மகத்துவம் கண்டேன்!

வளமுடன் வாழ்க வளர்ந்து.

மதுரை பாபாராஜ்

உருக்கும் நட்பு

நண்பர் IG சேகர் அனுப்பிய படம்

 இரண்டு நிறங்களை மேனியில் ஏந்தி

மரக்கிளையில் நின்றேதான் காலை வணக்கம்

தருகின்றாய் நட்பினைக் கூறி மகிழ்ந்து!

உருக்கும் எலும்பையும் நட்பு.

மதுரை பாபாராஜ்

எங்கள் வீட்டில் விநாயகர் சதுர்த்தி மலரும் நினைவு

 எங்கள் வீட்டுப் பிள்ளையார் சதுர்த்தி அந்தக் காலத்தில்!

எனது தந்தையும் தாயும் குடும்பமும்  முழு ஈடுபாடுடன் வணங்கிய விழா!

எந்தையும் தாயும் மகிழ்ந்து குலாவியே

மும்முரமாய் இங்கே விநாயகர் தோன்றிய

இந்நாளைச் சீரும் சிறப்புமாய்க் கொண்டாடி

வந்தனர் உள்ளவரை தான்.

குளக்கரையில்  மாளிகையில்  எங்கிருந்த போதிலும்

வரந்தரும் சோசலிச சிந்தனை கொண்ட

சமத்துவப் பிள்ளையார் என்றுரைப்பார் தந்தை!

மனதார கொண்டாடி னார்.

இந்த  நினைவுகள் உள்ளத்தில் காலையில்

வந்துவந்து நின்றன! பாவினமாய் மாற்றினேன்!

தாய்தந்தை தாள்தொட்டு வாழ்த்தி வணங்குகிறேன்!

ஏக்கப் பிழிவிலே நான்.

மதுரை பாபாராஜ்

தமிழியலன்-- கண்ணம்மா இணையருக்கு மணநாள் வாழ்த்து

 தமிழியலன் கண்ணம்மா இணையரின் 

இருபத்தியாறாம் திருமணநாள் வாழ்த்து

20.08.20

இல்லற முத்துக்கள்

பண்பரசன்-- தமிழ்முல்லை

இருபத்தி யாறாம் மணநாளைக் காணும்

அருந்தமிழ் வித்தகர் பண்பாளர் நண்பர்

பெருக்கெடுக்கும் பன்முக ஆற்றலின் ஏந்தல்

அருமைத் தமிழியலன் கண்ணம்மா நாளும்

பெருமையுடன் வாழ்க மகிழ்ந்து.

இல்லறத்தில் நல்லறத்தைப் பின்பற்றி வாழ்கின்றார்!

உள்ளம் திளைக்கும் தமிழுணர்வே வாழ்வியலாய்

இல்லம் மணக்க தமிழ்முல்லை பண்பரசன்

பிள்ளைகளாய்ச் சூழ்ந்திருக்க  பல்வளங்கள் பெற்றேதான்

தெள்ளுதமிழ் போல்வாழ்க நீடு.

நல்லதொரு நற்குடும்பம் பல்கலைக் கூடமென்பார்!

பல்கலைக் கூடமாக வாழும் தமிழியலன்

அய்யாவின் குடும்பம் செழிப்புடனே வாழியவே!

நல்லவர்கள்  வாழ்கபல் லாண்டு.

மதுரை பாபாராஜ்

வசந்தா

வாழ்க்கை

மருமகன் ரவி அனுப்பிய படம்

 பின்னோக்கிப் பார்த்தால் புரிந்துகொள்வோம்  

வாழ்க்கையை!

கண்மணியே! ஆனாலும் முன்னோக்கி முன்னேறி

நம்மை நெறிப்படுத்தி வாழ்வதே வாழ்வாகும்!

முன்னால் அடியெடுத்து வை.

மதுரை பாபாராஜ்

வணக்கம் அழகு

நண்பர் IG சேகர் அனுப்பிய படம்

 மேல்நோக்கி நிற்கின்ற வாலிரண்டைக் கொண்டுள்ளாய்!

நீளலகும் மேல்நோக்கி உள்ளது!  கண்களோ

யார்வரவை எண்ணிப் பார்க்கிறதோ சொல்வாயா?

காலை வணக்கம் அழகு.

மதுரை பாபாராஜ்

இயல்பு

 இயல்பு

பாம்புக்குப் பால்வார்த்தேன்! கொத்தத் துடிக்கிறது!

தேளுக்குத் தோள்கொடுத்தேன்! கொட்டிக் களிக்கிறது!

ஆலகால நஞ்சை அமுதென்றே எண்ணிவிட்டேன்!

கோள்மாறும்! மாறா( து)  இயல்பு.

மதுரை பாபாராஜ்

18.08.20

தமிழியலன் அவர்களுக்குப் பாராட்டு

 பன்முக ஆற்றலாளர் தமிழியலன் அய்யாவுக்குப் பாராட்டு

18.08.2020. செவ்வாய்க் கிழமை

ஏற்பாடு: 

பாரதி பாரதிதாசன் கவிதை அமைப்பு

மின்துறையில் ஆளுமையைக் காட்டி நிறைவுசெய்து

பன்முக ஆற்றலில் இன்றோ இயங்குகின்றார்!

நம்பிக்கை மூலதன மாகவே நாள்தோறும்

எண்ணற்ற சாதனை முத்துகளைச் சேகரித்து

நன்னெறியில் வாழ்பவரை வாழ்த்து.

பாரதி பாரதி தாசன் அமைப்பினர்

பாராட்டுப் பேரரங்கை நன்கு நடத்திவிட்டார்!

பாவரங்கம் வாழ்த்தரங்கம் மற்றும் உரையரங்கம்

காணவைத்தார் வாழ்கவென்று வாழ்த்து.

தமிழை இயல்பாகப் பேசிக் கவரும்

தமிழியலன் அய்யாவின் பன்முக ஆற்றல்

இமையாகும் தொண்டுக்கும் தமிழுக்கும் 

என்றும்!

தமிழ்போல வாழ்கபல் லாண்டு.

மதுரை பாபாராஜ்

பாலாவின் இரண்டாம் பத்து

 பாலாவின் 

சங்கச் சுரங்கம்

இணையப்பத்து

இரண்டாம் பத்து:

22.08.20

கலித்தொகை பாடல் வரிகளைக் கொண்டு

வழங்குகிறார் சங்கச் சுரங்கம் இரண்டாம்

உரையின் தொடக்கமாய் பாலா மொழியில்!

முழங்குகின்ற பாலாவை வாழ்த்து.

மதுரை பாபாராஜ்

மோகித்

 பேரன் நிக்கிலின் நண்பன் மோகித் அனுப்பிய படம்

அனைவருக்கும் வணக்கம்.

வாழ்வில் அனுசரித்துப் போவதைக் காட்டிலும்

நாளும் புரிந்துகொள்ளும் பக்குவமே முக்கியம்!

வாழ்க்கை அனுசரிப்பில் இல்லை! புரிதலின்

ஆற்றலே மகிழ்ச்சியின் வேர்.

மதுரை பாபாராஜ்

வசந்தா

நட்பே அழகு

நண்பர் IG சேகர் அனுப்பிய படம்

 அனைவருக்கும் வணக்கம்.🙏

மலரத் துடிக்கின்ற மொட்டுகளின் கூட்டம்

புலர்காலை நேர வணக்கத்தைக் கூறும்

அழகினில் நட்பிலே மெய்சிலிர்த்தேன் இங்கு!

உலகவாழ்க்கை நட்பே அழகு.

மதுரை பாபாராஜ்

ஏழின் மகத்துவம்

 மதுரை பாபாராஜ்:

பாப்பாப் பாடல்

----------------------------------------------

எனது நூல்:தேனருவி—2014

------------------------------------------

ஏழின் மகத்துவம்

----------------------------------------------------

வான வில்லின் நிறங்கள் ஏழு!

 வண்டமிழ்க் குறளின் சீர்கள் ஏழு!

வாரத்தின் மொத்த நாள்கள் ஏழு!

 வளைவான திருப்பதி மலைகள் ஏழு!

மனிதன் வாழ்க்கைப் பிறவிகள் ஏழு!

 உலகைச் சூழ்ந்த கடல்கள் ஏழு!

மனிதம் நிறைந்த வள்ளல்கள் ஏழு!

 மனங்கவர் இசையின் பண்கள் ஏழு!

அவனியை ஈர்க்கும் அதிசயங்கள் ஏழு!

 ஆண்களை ஆளும் பருவங்கள் ஏழு!

பெண்களின் இயற்கப் பருவங்கள் ஏழு!

 சூரியன் இயக்கும் குதிரைகள் ஏழு!

உருவில் இயங்கும் கோள்கள் ஏழு!

 ஆன்மிகக் கன்னித் தெய்வங்கள் ஏழு!

உயிரெ ழுத்தில் நெடில்கள் ஏழு!

 மனித உடலின் சக்கரங்கள் ஏழு!

பாப்பா!பாப்பா! இவைதான் ஏழு!

ஆசான் அறிவுரை என்றும் கேளு!

மதுரை பாபாராஜ்

பெண்களின் ஏழு பருவங்கள்:

பேதை-பெதும்பை-மங்கை-மடந்தை-

அரிவை-தெரிவை-பேரிளம்பெண்

ஆண்களின் பருவங்கள்:

பாலன்-மீளி-மறவோன்-திறவோன்

காளி-விடலை-முதுமகன்

ஏழு கன்னிகள்

அபிராமி--மகேஸ்வரி--கௌமாரி--நாராயணீ

வாராகி--உருத்ராணி--காளி

உடலின் ஏழு சக்கரங்கள்

மூலாதாரம்--சுவாதித்தானம்--மணிப்பூரகம்--அனாகதம்

விசுத்தி--ஆணை--கமலம்

Drashraffnvk:

👏👏👌 அருமை பாபாஜி!

விவிலியத்தின் கொடிய பாவங்கள் ஏழு!

திருக்குரானின் பாடவேறுபாடுகள் ஏழு!

யோக வளர்ச்சியில் நிலைகள் ஏழு!

மோகித்

பேரன் நிக்கிலின் நண்பன் மோகித் அனுப்பிய படம்

 அனைவருக்கும் வணக்கம்.

காலை மலர்ந்ததெனக் கம்பிக் கதவிலே

சூரிய காந்தி மலரைச் செருகித்தான்

காலை வணக்கத்தைக்

கூறுகின்ற நட்பிற்கு

வாழ்த்தைத் தெரிவித்தோம் இன்று.

மதுரை பாபாராஜ்

வசந்தா

VOV காணொலி

 இணையவழி காணொலிகள்!

எண்ணற்ற சொல்லே ருழவர்கள் பேச்சுகள்

அங்கங்கே எண்ணற்ற காணொலி வாயிலாக!

பன்மொழிகள் பல்வேறு சிந்தனைகள் தங்களின்

பன்முக ஆற்றலைக் காட்டுகின்றார் அற்புதமாய்!

தங்களின் ஆர்வத்திற் கேற்பத்தான் கேட்கின்றார்!

பங்கமின்றிப் போகும் பொழுது.

மதுரை பாபாராஜ்

IG. சேகருக்கு வாழ்த்து

நண்பர் IG சேகர் அனுப்பிய படம்

 அனைவருக்கும் வணக்கம்

சாய்ந்த மரத்திலே நிற்கும் பறவையே!

ஆர்வமுடன் காலை வணக்கத்தைக் கொண்டுவந்து

சேர்த்த கடமை உணர்வினை வாழ்த்துகிறேன்!

வாழ்வை மகிழ்விக்கும் நட்பு.

மதுரை பாபாராஜ்

பதவி உயர்வு

 வாழ்வில் படிப்படியாய் பதவி உயர்வு!

சிறுவயதில் தம்பியென்பார்! இங்கே இளமை

முறுக்கேறும்! அண்ணனென்பார்! ஆண்டுகள் போகும்

நடுத்தரத் தோற்றத்தில் அப்பாவாய் ஆவோம்!

கடந்துசெல்லும் அந்தப் பருவம்! முதுமை

தடம்பதிக்கும் எல்லோர்க்கும் தாத்தாதான் இங்கே!

இதுபோல தங்கை தொடங்கித்தான் பாட்டி

பதவிகள் பெண்களுக்கும் உண்டு.

நண்பர் சுரேஷ் கருத்து

இப்பதவி உயர்வுக்கு,

கையூட்டில்லை,

கட்டாயம் அட்டவணை இல்லை,

சாதி வரிசையுமில்லை,

கூடவே உயர்படிப்பும் தேவையில்லை...

மதுரை பாபாராஜ்

திரு.சிட்டிபாபு பிறந்தநாள்

 சம்பந்தி திரு. சிட்டி பாபு அவர்களுக்கு பிறந்தநாள் வாழ்த்து.

குடும்பம்

மனைவி திருமதி.பவானி சிட்டிபாபு  -- 

மகள் லதா- மருமகன் சூரியபாபு-- பேரன்கள் அபினேஷ் பாபு-- ஜெகதீஷ்

மகன் ரமேஷ்-- மருமகள் தனம்-- 

பேத்திகள் ரித்திகா-- லோகிதா

மகன் ரவி-- மருமகள் சுபாதேவி

பேரன் சுசாந்த் ஸ்ரீராம்

15.08.20. 80/81

எண்பதை இங்கே நிறைவுசெய்தே எண்பத்து

ஒன்றில் அடியெடுத்து வைக்கின்றார் சிட்டிபாபு!

சம்பந்தி, இல்லத் தரசியுடன் பேரன்கள் பேத்திகள்

அன்பு மகளும் மருமகன் மற்றும்

அன்பு மகன்கள்  மருமகள்கள்  சூழ்ந்திருக்க

வண்டமிழ்போல் வாழ்கபல் லாண்டு.

மதுரை பாபாராஜ்

வசந்தா குடும்பத்தார்

இந்திய விடுதலை்நாள் வாழ்த்து

 இந்திய விடுதலைநாள் வாழ்த்து!

15.08.20. எழுச்சிமிகு ஆண்டுகள் 74

இமயம் தொடங்கி குமரி வரைக்கும்

இணக்கமாக ஒன்றுபட்டு வாழ்வோம் நிமிர்ந்து!

நமதுநாட்டை வல்லரசாய் மாற்ற உழைப்போம்!

இமைகளாக மாறுவோம் காத்து.

மதுரை பாபாராஜ்

குறளோவியர் சௌம்யா

 திருக்குறள் ஓவியர் சௌம்யா அவர்களுக்கு வாழ்த்து!

1330 குறளோவியங்கள்!

ஆயிரத்து முந்நூற்று முப்பது தேன்குறளை

ஓவியமாய்த் தீட்டுகின்ற சௌம்யா முயற்சியைப்

பாமணக்க வாழ்த்துவோம்! பல்லாண்டு வாழியவே!

ஓவியத்தின் வெற்றிக்கு வாழ்த்து.

ஒவ்வொரு நாளும் ஒருகுற ளோவியம்!

சௌம்யாவின் தூரிகை தீட்டி மகிழ்கிறது!

இந்திய மங்கையின் அற்புத ஆற்றலோ

வண்டமிழ்போல் வாழ்க வளர்ந்து.

மதுரை பாபாராஜ்

14.08.20

கோப்பையில் கற்பூரவல்லி

நண்பர் இராமசாமி அனுப்பிய படம்

 அனைவருக்கும் வணக்கம்

கற்பூர வல்லி கசாயத்தைக் கோப்பையிலே

பற்றுடன் தந்தே நலங்காண வைக்கின்ற

நட்பின் நளினத்தை வாழ்த்தி மகிழ்கிறேன்!

நட்பின் மகிமை இது.

மதுரை பாபாராஜ்

மருமகன் ரவி

மருமகன் ரவி அனுப்பியது

 மற்றவரை நாமோ திருப்திப் படுத்துவதில்

மும்முரம் காட்டுகின்ற நேரத்தில்-- கண்ணே!

அழுத்தம் படபடப்பு மற்றும் உளைச்சல்

துளைக்கிறது நம்மை உணர்.

மதுரை பாபாராஜ்

மோகித்

நிக்கிலின் நண்பன் மோகித் அனுப்பிய படம்

ஏழு!

 ஏழு இலைகளின் தோரணம் அற்புதம்!

ஏழுசீர் செந்தமிழ்த் தேன்குறள் அற்புதம்!

காலை வணக்கம்

அழகாக வந்தது!

ஏழின் எழுச்சியைப் பார்.

மதுரை பாபாராஜ்

வசந்தா

IG சேகர் அனுப்பிய படம்

நண்பர் IG சேகர் அனுப்பிய படம்

 அனைவருக்கும் வணக்கம்

காலை வணக்கத்தை நட்புடன் சேர்த்திருக்கும்

நீலப் பறவையே நன்றியுடன் 

வாழ்த்துகிறேன்!

ஏழைக் குடிசையும் செல்வந்தர் மாடிவீடும்

வாழவழி தேடுவதில் ஒன்று.

மதுரை பாபாராஜ்

வணக்கம்

 பேரன் நிக்கிலின் நண்பன் மோகித் அனுப்பிய படம்

அனைவருக்கும் வணக்கம்

புலர்காலை நேரம் மலர்த்தேனை உண்ணப்

பறந்துவரும் சாக்கில் வணக்கத்தைக் கூறும்

பறவையே வாழ்கவென்றே வாழ்த்துகிறேன் இங்கு!

வணங்குகிறோம் நட்புடன் தான்.

மதுரை பாபாராஜ்

வசந்தா

பாடம்

 மருமகன் ரவி அனுப்பியது

ஆணவத்தைக் கட்டவிழ்க்கும் சாதனையைக் காட்டிலும்

பாமணக்கப் போற்றும் பணிவைத் தருகின்ற

சூழல் தவறுகள் எவ்வளவோ மேலெனலாம்!

வாழ்க்கையின் பாடம் தவறு.

மதுரை பாபாராஜ்

வணக்கம்

 

 நண்பர் IG சேகர் அனுப்பிய படம்

வணக்கம்

பெட்டி முழுதும் செம்மலர்கள் வைத்தேதான்

நட்புடன் காலை வணக்கத்தைத் தூதனுப்பும்

பண்பில் மகிழ்ந்தேன் நன்றி நவில்கின்றேன்!

அன்புடன் வாழ்த்துகின்றேன் இங்கு.

மதுரை பாபாராஜ்

தோகைமயிலை வாழ்த்து

 

திருமதி ரம்யா நாராயணன் அனுப்பியது

மாடியை நாடிவந்து தோகைமயில் அங்குமிங்கும்

தேடித்தான் தோகை விரித்தே அகவியது!

ஈடில்லா காட்சியைக் கண்டேன் மகிழ்ந்தேன்!

தேடிவந்த இம்மயிலை வாழ்த்து.

மதுரை பாபாராஜ்

காலைப்பொழுது

 

நண்பர் IG சேகர் அனுப்பிய படம்

அனைவருக்கும் வணக்கம்.

மேகத் திரள்களை ஊடறுத்துச் செங்கதிரோன்!

ஆகா! அழகாக மேலெழும்பும் காட்சிகண்டேன்!

காலைப் பொழுதில் கடலில்  படகுகள் !

காலை வணக்கத்தை வாழ்த்து.

மதுரை பாபாராஜ்